کورونا وائرس ءِ سبب ءَ ڈاکٹر آنی شو ر ءُ مشور ءُ رکھینگی رھبند آنی پد ءُ رند انچوکیں مشکلیں کار ءِ نہ ات، ایس او پیز آنی پد ءُ رند کنگ بیت گڈا کاروبار چل ایت ءُ مردم جان سلامت بنت، اسد عمر

اسلام آباد ۔ 4 جولائی (اے پی پی)بنجاھی وزیر دیمروئی ءُ منصوبگ بندی ءُ ھاسیں گامیگیج اسد عمر ءَ گوشت کہ کورونا ھوپ ءَ ڈاکٹر آنی مشورہ ءُ رکھینگی رھبند آنی پد ءُ رند مشکلیں کار ءِ نہ ات، ایس او پیز آنی پد ءُ رند بیت گڈا کاروبار چللیت ءُ مردم جان سلامت بنت۔ اسلام آباد ءَ چئیرمینن این ڈی ایم اے لیفٹیننٹ جنرل محمد افضل ءِ ھمبراھی ءَ این آئی ایچ ءَ نوکیں جوڑیشت بوتگیں آئیسولیشن اینڈ اسپیشل ٹریٹمنٹ سینیٹر ءِ تر ءُ تاب ءِ موہ ءَ میڈیا ءَ گوں تران کنان ءَ کت ۔ بنجاھی وزیر اسد عمر ءَ گوشت کہ کورونا وائرس ءِ ھوالگ ءَ جاورر ھال آنی تہ ءَ یک شل ءَ گہتری پیداک انت۔ آئی ءَ گوشت کہ اسلام آباد ءَ 40 روچ ءَ آئیسولیشن ہسپتال سرجم کنگ بوتگ، مئے تیاری سرجم انت، آیوکیں ھپتگ ءَ مزن وزیر آئسولیشن اسپتال ءِ بنگیج ءَ کنت انت۔ بنجاھی وزیر ءَ گوشت کہ اے اسپتال ءَ آکسیجن ءُ وینٹی لیٹرز ءَ ھوار توامیں آسراتی آنی تہ ءَ گیشی کنگ بوتگ وھدیکہ 250 بیڈ ھم ساڑی انت۔ آئی ءَ گوشت کہ کورونا ءِ گر ءُ دار ءِ واستہ گامگیج کنگ ءَ آں۔ ملک ءَ جان سلامتی آسراتی آنی تہ ءَ گیشی بوھگ ءَ انت۔ بنجاھی وزیر ءَ گوشت کہ اگاں رکھینگی رھبند آنی پد ءُ رند کنگ نہ بوت گڈا ایشی ءِ سزا ھم رسیت۔ ڈاکٹرز آنی شور ءُ مشور آنی رد ءَ رکھینگی رھبند کنگ لوٹ ایت۔ مزنیں ائید ءَ گولاش کن ءُ کائی کنگ مہ بیت چیا کہ ایس او پیز آنی پد ءُ رند کنگ نہ بوت گڈا جاور سک باز ھراب بنت۔ اسد عمر ءَ گوشت کہ مشکلیں وھد ءَ توامیں پاکستانی یک بنت ، رکھینگی رھبند آنی پد ءُ رند بلائیں ٹوھیں مشکلیں کار ءِ نہ ات۔