اسلام آباد ۔ 4 جولائی (اے پی پی) نیشنل کمانڈ اینڈ آپریشن سینٹر(این سی او سی) ءِ ازمت ءُ راجی کوشست آنی 100 روچ شمبے ءِ روچ ءَ سرجم بوت، این سی او سی ءَ اے 100 روچ آنی تہ ءَ راجی یکوئی ءُ ھوپ ءَ گوں گر ءُ چیل بوھگ ءِ واستہ شپ ءُ روچ نادراھی ءِ گر ءُ ددار ءُ معیشت ءِ برجائی ءِ گامیج آنی واستہ کوشست کتگ، مرچیگیں روچ دلیریں ڈاکٹر، نرسز ، پیرا میڈکس، سیکورٹی فورسز ءُ کورونا ءَ گوں گر ءُ چیل بوھوکیں توامیں مردم آناں توسیپ ءُ ستا پیش کننگ ءِ روچچ انت، اے جزم یکوئی ءُ کوشست ءِ جوزگ آنی داستان انت، کورونا ءِ ھلا پ ءَ جنگ ءَ ھمک پاکستانی یک بامرد ات، مرچی توامیں راج اے بامرد آناں توسیپ ءُ ستا پیش کنت۔ این سی او سی ءِ رد ءَ الحمد اللہ مرچی ملک ءَ کورونا وائرس ءَ چہ جان سلامت بوھوکیں مردم آنی کساس گیش جان سلامت بوتگ۔ سرجمیں ملک ءَ یک لکھ 25 ہزار 96 کورونا مرز ءَ چہ جان سلامت بوتگ۔ سرجمیں ملک ءَ ایکٹو کیس آنی کساد 95 ہزار 570 انت ، گوستگیں بیست ءُ چار کلاک آنی تہ ءَ 3387 نوکیں کیس رپوٹ بوتگ وھدیکہ گیش 68 کورونا ءِ آماچیں مردم بیران بوتگ۔ فرنٹ لائن ءِ سر ءَ ازمت کنوکیں بامردم آناں توسیپ ءُ ستا پیش کنگ ءِ واستہ راجی سروکی ملک ءِ جتا جتائیں ہسپتال ، ہیلتھ کئیر آسراتی آنی تر ءُ تاب ءَ کنان ءَ ڈاکٹر ، نرس، پیرا میڈیکل ءُ ھاسیں کمکار یں کارندہ بے دروریں ازمت آنی پکوئی ءِ کن انت۔ گوستگیں 24 کلاک آنی تہ ءَ 22 ہزار 50 ٹیسٹ کنگ بوتگ، ایشانی تتہ ءَ سندھ ءِ 10 ہزار 27، پنجاپ ءِ 7 ہزار 196۔ کے پی کے 1845 ، اسلام آباد ءِ 2327، بلوچستان ءِ 325، ءُ آزات کشمیر ءِ 260 ٹیسٹ کنگ ھوار انت۔ سرجمیں ملک ءَ 1518 وینٹیلیٹر کورونا وائرس ءِ وااستہ گیشینگ بوتگ ایشانی تہ ءَ اے وھد ءَ تاں 468 کارمرد ءِ تہ ءَ انت۔ انوگ ءَ تاں سرجمیں مللک ءَ 2 لکھ 25 ہزار 283 پکوئیں کیس دیم ءَ اتکگ وھدیکہ ھواریں بیرانی 4 ہزار 619 بوتگ انت۔ انوگ ءَ تاں 13 لکھ 72 ہزار 825 ٹیسٹ کنگ بوتگ انت۔ سرجمیں ملک ءَ 729 ہسپتال آنی 5199 کورونا مریض داخل انت۔
