وزیراعظم عمران خان نا پڑو نا رداٹ 15 نیشنل پارک جوڑ کننگ آن 5 ہزار بندغ ءِ روزگار ملک
اسلام آباد۔ 03 جون (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ وزیراعظم عمران خان نا پڑو نا رداٹ 15 نیشنل پارک جوڑ کننگ آن 5 ہزار بندغ ءِ روزگار ملک۔ جمعہ نادے آ تینا ٹویٹ اٹی اوپارے کہ وزیراعظم عمران خان درو 15 نیشنل پارک جوڑ کننگ نا فیصلہ ءِ کرے ہراٹی 6 متکن و 9 پوسکن ءُ نیشنل پارک اوار ءُ۔ غٹ آن جوان انگا ہیت دادے کہ داڈٹ آن 5 ہزار بندغ ءِ روزگار ملک ہراداپارک آتا رکھ و اوفتے سنبھالنگ نا فرض ءِ پورو کیرہ۔ ڈاکٹر شہباز گل پارے کہ روزگار و چاگڑد نا رکھ اتون اوار اوار دادے پوسکن آ پاکستان۔
