کوروناوائرس آن دراخ جوڑ مروک آ بندغ آتا کچ پازیٹوکیس آتیان ودار
24 گھنٹہ ٹی 4087 پوسکن ءُ پازیٹو کیس، 78 مرک رپورٹ
ایکٹوکیس آتا کچ 1،03،722، مرک آتا کچ 4551مس، نیشنل کمانڈ اینڈ آپریشن سینٹر
اسلام آباد۔ 03 جولائی (اے پی پی) نیشنل کمانڈ اینڈ آپریشن سینٹر (این سی او سی) کوروناوائرس نا بابت تازہ انگا حساب وکتاب ءِ جاری کرینے۔ کوویڈ۔ 19 آن دراخ جوڑ مروک آ بندغ آتا کچ مثبت کیس آتیان ودا، اسہ لکھ 13 ہزار 623 کورونازہمی پورو دراخ جوڑ، گلگت بلتستان اٹی اسہ ناجوڑ اس ہم وینٹی لیٹر آ اف، تدوک آ 24 گھنٹہ ٹی 4 ہزار 87 پوسکن ءُ پازیٹو کیس، 78 بندغ نا کزیت مس۔ این سی او سی نا رداٹ مچ آ ملک اٹی کوویڈ۔ 19 نا اسہ لکھ 3ہزار 722 کورونا ایکٹو کیس ءُ ہرافتے ٹی تدوک آ 24 گھنٹہ نا 4 ہزار 87 کیس اوار ءُ۔ تدوک آ 24 گھنٹہ ٹی 22 ہزار 941 کوروناٹیسٹ کننگاہرافتے ٹی سندھ انا 9 ہزار 436، پنجاب نا 8 ہزار 521، خیبر پختونخوا نا 1867، اسلام آباد نا 2 ہزار 324، بلوچستان نا 459، گلگت بلتستان نا 101 و آزاد کشمیر نا 233 ٹیسٹ اوار ءُ۔ مچ آ ملک اٹی 436 کوروناناجوڑ وینٹی لیٹرآتیا ٹی ءُ۔ مچ آ ملک آن داتم اسکان 2 لکھ 21 ہزار 896 پک کیس ءُ ہرافتیان سندھ اٹی 89 ہزار 225، پنجاب نا 78 ہزار 956، خیبر پختونخوانا 27 ہزار 170، اسلام آباد نا 13 ہزار 195،م بلوچستان نا 10 ہزار 666، گلگت بلتستان نا 1524و آزاد کشمیر نا 1160 ناجوڑ اوار ءُ۔ داتم اسکان مچ آ ملک اٹی کوویڈ۔ 19 آن 4 ہزار 551 مرک مسنے ہرافتے ٹی سندھ انا 1437، پنجاب نا 1819، کے پی کے نا 983، اسلام آباد نا 129، بلوچستان نا 122 و آزاد کشمیر نا 33 مرک اوار ءُ۔ داتم اسکان مچ آ ملک اٹی 13 لکھ 50 ہزار 773ٹیسٹ کننگانے۔ ملک انا 729 ہسپتال آتے ٹی 4 ہزار 614 کوروناناجوڑ درمان مننگ ءُ۔
