اسلام آباد۔ 03 جولائی (اے پی پی) وزیراعظم نا خصوصی کمکار راجی رکھ ڈاکٹر ثانیہ نشتر پارینے کہ داتم اسکان مچ آ ملک اٹی اسہ کروڑ 23 لکھ 56 ہزار آن زیات خواری کش بندغ آتے ٹی احساس ایمرجنسی کیش پروگرام نا رداٹ زر بشخنگانے۔ تینا بیان اٹی ڈاکٹر ثانیہ نشتر پارے کہ جم وڑاٹ 149 ارب 54 کروڑ روپئی آن زیات کمکی زر بشخنگانے، آزاد کشمیر اٹی 2 لکھ 2 ہزار آن زیات بندغ آتے ٹی 2 ارب 47 کروڑ آن زیات کمکی زر بشخنگانے۔ بلوچستان اٹی 7 ارب 59 کروڑ روپئی آن زیات کمکی زر 6لکھ 24 ہزار آن زیات بندغ آتے ٹی بشخنگانے۔ گلگت بلتستان اٹی 88 ہزار آن زیات بندغ آتے ٹی 1 ارب 8 کروڑ روپئی آن زیات کمکی زر بشخنگانے۔ اسلام آباداٹی 65 ہزار آن زیات بندغ آتے ٹی 78 کروڑ روپئی آن زیات کمکی زر بشخنگانے۔ خیبرپختونخوا ٹی 24 ارب 85 کروڑ روپئی آن زیات کمکی زر 21 لکھ 29 ہزار آن زیات بندغ آتے ٹی زر بشخنگانے۔ پنجاب اٹی 55 لکھ 27 ہزار آن زیات بندغ آتے ٹی 66 ارب 91 کروڑ روپئی آن زیات کمکی زر بشخنگانے و سندھ اٹی 37 لکھ 18 ہزار آن زیات بندغ آتے ٹی 44 ارب 84 کروڑ روپئی آن زیات کمکی زر بشخنگانے۔
