ملک اٹی بجلی نا فراوانی و بشخنگ نا نظام ءِ گچین کننگ کن پوسکن ءُ گریڈ اسٹیشن جوڑ کننگک، ذرائع پاور ڈویژن

اسلام آباد۔ 03 جولائی (اے پی پی) ملک اٹی بجلی نا فراوانی و بشخنگ نا نظام ءِ گچین کننگ کن پوسکن ءُ گریڈ اسٹیشن جوڑ کننگک۔ پاور ڈویژن نا ذرائع نا رداٹ بجلی نا فراوانی و بشخنگ اٹ مستین اٹ زرکاری مفننگ نا سوب آن بجلی نا بے سلنگ آن فراوانی ٹی مشکل و ویل پیش بسکہ، دا مسخت کن بجلی نا فراوانی و بشخنگ نا نظام اٹی زرکاری ءِ ودفنگ انگ ءِ و پوسکن آ گریڈ اسٹیشن و سب اسٹیشن جوڑ کننگک۔ خیبر پختونخوا ٹی این ٹی ڈی سی چکدرہ ٹی 220 کے وی نا سب اسٹیشن اس تفک۔ ایکنک 2014 ء ٹی دا ڈٹ انا منظوری ءِ تسوسس ہراڑآ خڑچ انا جم کساس 4 ارب 39 کروڑ 70 لکھ روپئی ءِ۔ اینخو مالی سال اٹی چکدرہ سب اسٹیشن ڈٹ آ 35 کروڑ روپئی خڑچ کننگک۔