وزیر خارجہ مخدوم شاہ محمود قریشی تون وزیر اعظم نا خصوصی کمکار امور نوجوانان عثمان ڈار نا اوڑدہی، کوروناریلیف ٹائیگر فورس اکن درستی راستی کرفوک آ ڈیجیٹل ایپلیکیشن نا خدوخال آ حوال تس

اسلام آباد۔ 02 جولائی (اے پی پی) وزیر خارجہ مخدوم شاہ محمود قریشی تون وزیراعظم نا خصوصی کمکار امور نوجوانان عثمان ڈار پنچ شنبے نادے آ وزارت خارجہ ٹی اوڑدہی کرے۔ ہیت وگپ اٹی وزیراعظم کورونا ریلیف ٹائیگر فورس انا کارکڑد نا دنگ ءِ ودفنگ و ڈیجیٹل ٹیکنالوجی نا کاریم اٹ اتنگ ءِ کاریم اٹ اتنگ نا بابت سرجم گپ و تران کننگا۔ عثمان ڈار وزیر خارجہ ءِ کورونا ریلیف ٹائیگر فورس اکن درستی راستی کرفوک آ ڈیجیٹل ایپلیکیشن نا خدوخال نا بابت سرجم حوال تس۔ وزیر خارجہ پارے کہ ڈیجیٹل ایپ انا کمک اٹ ٹائیگر فورس ءِ ضلع، تحصیل و وارڈ انا کہول آ خذمت آتا انجام تننگ اٹ کمک رسینگک۔ ڈیجیٹل ایپ انا کمک اٹ وارڈ و یونین کونسل نا کہول آ مانیٹرنگ مننگ کیک و ہندا ڈیٹا ضلعی انتظامیہ غا گدریفنگک تانکہ خامی تا تدارک مننگ کے۔ وزیر خارجہ کوروناوائرس نا دین اتون مون تننگ و سمارٹ لاک ڈاؤن آ عملدرآمد کن ڈیجیٹل ٹیکنالوجی نا کاریم اٹ اتنگ نا ستاءِ کرسا، دا موبائل ایپ انا تیاری و بناءِ کننگ آ عثمان ڈار ءِ مبارکبادی تس۔