کنٹرول لین اتون گلگت بلتستان اٹی پاکستانی فوجی تا ودکی تعیناتی، چین انا کنڈآن سکردو ایئر بیس نا مبینہ کاریم اٹ اتنگ نا بابت بھارتی میڈیا نا خبرآک دروغ، غیرزموارانہ و راستکی تیان چپ ءُ، ڈی جی آئی ایس پی آر

راولپنڈی۔ 02 جولائی (اے پی پی) پاک فوج انا شعبہ تعلقات عامہ (آئی ایس پی آر) نا ڈائریکٹر جنرل میجر جنرل بابر افتخار پارینے کہ کنٹرول لین اتون گلگت بلتستان اٹی پاکستانی فوجی تا ودکی تعیناتی و چین انا کنڈآن سکردو ایئربیس نا مبینہ کاریم اٹ اتنگ نا بابت بھارت نا الیکٹرانک و سوشل میڈیا نا خبرآک دروغ آ مبنی، غیر زموارانہ و راستکی تیان چپ ءُ۔ پنچ شنبے نادے آ تینا ٹویٹ اٹی ڈائریکٹر جنرل آئی ایس پی آر پارے کہ داوڑنا ہچ ءُ نقل و حرکت یا ودکی فوج انا تعیناتی کننگتنے۔ اوپارے کہ نن پاکستان اٹی چین نا فوجی تا ساڑی مننگ نا ہم پیدوار وڑاٹ تردید ءِ کینہ۔