اسلام آباد تون اوار بڑزکو پنجاب، بڑزکو خیبر پختونخوا، دے ٹکی بلوچستان، گلگت بلتستان و کشمیر اٹی ہورہ و گروک تون پِر انا گمان ءِ، محکمہ موسمیات

اسلام آباد۔ 02 جولائی (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار بڑزکو پنجاب، بڑزکو خیبر پختونخوا، دے ٹکی بلوچستان، گلگت بلتستان و کشمیر اٹی ہورہ و گروک تون پِر اناگمان ءِ وخت اس کہ ملک انا گیشتر علاقہ غاتے ٹی موسم بھاز باسن مریک۔ تدوک آ 24 گھنٹہ ٹی پنجاب، خیبر پختونخوا، سویل دے ٹکی سندھ، دے ٹکی بلوچستان، کشمیر و داڑتون کیبی مشی آ علاقہ غاتے ٹی پِرمس۔ غٹ آن زیات پِر سندھ، میر پور خاص اٹی 18، مٹھی 8، بدین 7، چھور5، خیبر پختونخوا ، پاراچنار5، پنجاب، نارووال 4، بلوچستان، قلات اٹی 2 ملی میٹر پِر ریکارڈ کنننگا وخت اس کہ ملک انا ایلو علاقہ غاتے ٹی موسم باسن ئس۔ غٹ آن زیات درجہ حرارت دادو، موہنجوداڑوٹی 47، لاڑکانہ 46، جیکب آباد، روہڑی و سبی ٹی 45 ڈگری سینٹی گریڈ ریکارڈ کننگا۔