بنجاھی کابینہ ءَ کوہالہ ہائیڈرو پاور پراجیکٹ ءَ ھوار سئے منصوبگ آنی منظوری دات، بنجاھی وزیر اھوالکاری ءُ شنگ کاری سینیٹر شبلی فراز ءِ بنجاھی کابینہ ءِ دیون ءَ چہ پد اھوالکار آناں بریفنگ

اسلام آباد ۔ یکم جولائی (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ بنجاھی کابینہ ءَ کوہالہ ہائیڈرو پاور پراجیکٹ ءَ ھوار سئے منصوبگ آنی منظوری دات، مزن وزیر ءَ صوبائی فنانس کمیشن ءَ را برجا کنگ ءِ پنت ءُ شون کت ءُ ایشی ءَ چہ سرجمیں صوبگ ءِ کار رپک ءُ سیاسی کشاں چیل ءَ ابید کار بنت، ھما پائلٹس آنی لائسنس شکی بوتگ انت آواناں کشگ بوتگ، مئے پائلٹس ھما کہ جہاز ءَ بال دینت ایشانی ڈگری سد درسد کلئیر انت، دروگیں ڈگری والا ایں پائلٹس آنی ھلاپ ءَ کاروائی کنگ بیت، اپوزیشن سرپد انت کہ اگاں عمران خان آوانی کشک ءَ گستا بہ بیت ، آوانی گوستگیں وھد ءِ کتگیں کرپشن ءَ را جست ءُ پرس کنگ بیت، گوستگیں وھد ءَ پی آئی اے ، سٹیل ملز ءَ بے کچ ءُ کساسیں سیاسی بھرتی کنگ بوتگ، پیپلز پارٹی ادارگ آنی تہ ءَ میررٹ ءُ ساپ ءُ سلہ ئی ءِ سر ءَ دل یکیمی دار اتی، اپوزیشن عمرنا خان ءَ را مافیاز آنی ھلاپ ءَ کاروائی آنی پد ءَ وتی نشانگ ءَ بندگ ءَ انت۔ اے ھیالانی درشانی آئی ءَ بنجاھی کابینہ ءِ دیوان ءَ چہ پد اھوالکار آناں بریفنگ دیان ءَ گوشت۔ آئی ءَ گوشت کہ دیوان ءِ بنگیج ءِ پد ءَ مزن وزیر عمران خان ءَ کورونا وائرس ءَ چہ جان سلامتی بوھوکیں وزیر ریلوے شیخ رشید احمد ءَ را مبارک بات دات۔ آئی ءَ گوشت کہ کابینہ دیوان ءَ آڈیٹر جنرل ءِ رپوٹ ءِ سر ءَ باست ءُ واست کنگ بوت، پبلک اکائونٹس کمیٹی ءِ پروسیجرل جیڈھ ءُ رھبند آنی بنیات ءَ آڈٹ لڑ جوڑ بوت کن انت۔ گوستگیں بازیں زرّ آنی آڈٹ جوڑ بنت بلے مئے حکومت ءِ زمانگ ءَ 70 ءَ چہ 80 درسد ایشانی تہ ءَ کمی اتکگ، ادارگ آنی رھبند ءُ رول آنی رد ءَ کار کنگ لوٹ ایت، دیوان ءَ اقتصادی رابطہ کمیٹی ءِ 25 جوں ءِ دیوان ءَ کتگیں پیسلہ آںی منظوری دیگ بوت۔ آئی ءَ گوشت کہ کابینہ ءَ کوہالہ ہائیڈرو پاور پراجیکٹ ءَ ھوار منصوبگ آنی منظوری دات، ایشی ءِ مٹوئی ایں ھاٹیگ ءِ منصوبگ آنی دیمروئی ءِ سر ءَ گپ ءُ تران کنگ بوتگ۔ سستائیں توان ءِ منصوبگ ءَ چہ مہنگائیں پلانٹس آناں بند کنگ بیت۔ نوکیں توان ءِ منصوب آنی دلبڈی ءَ چہ ملک ءَ در ملکی سرمایہ کار کئیت ءُ سستائیں توان پجاری بیت۔ مزن وزیر عمران خان ءَ سرمایہ کاری ءَ را سستائیں توان ءِ منصوبگ آنی نیمگ ءَ دلگوش کنگ ءِ سر ءَ زور داتگ۔ دیوان ءَ مھکمیں دیمروئی سیم سر آنی ھوالگ ءَ تران کنگ بوت۔ لیپس بوھوکیں فنڈ آناں کراچی ءُ اسلام آباد ءِ واستہ ری ایلوکیٹ کنگ ءِ منظوری دیگ بیت۔ آئی ءَ گوشت کہ مزن وزیر ءَ صوبائی فنانس کمیشن ءَ را برجا کنگ ءِ پنت ءُ شون کت ءُ ایشی ءَ چہ سرجمیں صوبگ ءِ جوانیں کار رھبند ءُ سیاسی کشاں چیل ءَ ابید کار کنگ بیت، گوستگیں وھد ءَ پنجاپ ءَ سینٹرل لاہور ءِ سر ءَ گیشاں گیش دیمروئی کار کنگ بوتگ وھدیکہ ایندگر پنجاپ ءَ را ڈلگچار کنگ بوتگ، پرونشل فنانس کمیشن ءِ وسیلگ ءَ صوبگ ءِ توامیں دمگ آنی تہ ءَ دیمروئی کار کنگ بیت۔ وزیر ءِ اھوالکاری ءُ شنگ کاری ءَ گوشت کہ پی ٹی آئی ءِ ھمبراھ دار مئے گوما اوشتاتگ انت، مزن وزیر عمران خان ءِ وتی اچ کاروبار نیست، مزن وزیر عمران کان میرٹ ءُ ساپ ءُ سلہ ئی ءِ سر ءَ یکیم دار اتیت، مارا کرپشن ءِ ھلاسی ءِ واستہ سزا ءُ جزا ءِ نظام جوڑ کنگ لوٹ ایت۔ آءی ءَ گوشت کہ موٹر سائیکل آنی سر ءَ آیوکیں مردم آں ٹوھیں ماڑی جوڑ کتگ، آوانی کیس آنی سر ءَ چے کاروائی بوتگ؟ بلاول بھٹو سیاست ءِ بابت ءَ شر سرپد نہ انت، عمران خان وتی سیاست ءِ واستہ دمک دمگ ءَ شتگ، اپوزینش ءِ کرا عمران خان ءِ ھلاپ ءَ اچ نیست، آ ایوک ءَ ایراد گپت، اپوزیشن شر سرپد انت کہ اگاں عمران خان آوانی کشک ءَ چہ گستا بہ بیت گڈا آواناں گوستگیں وھد ءِ کرپشن آنی بابت ءَ کس پرس نہ کنت۔ آئی ءَ گوشت کہ گوستگیں وھد ءَ پی آئی اے، سٹیل ملز ءَ بے کچ ءُ کساسیں اپوائنٹمٹ کنگ بوتگ، پیپلز پارٹی ادارگ آنی تہ ءَ میرٹ ءُ ساپ ءُ سلہ ئی ءِ سر ءَ دل یکیمی دار ایت، اپوزیشن عمران خان ءَ را مافیاز آنی ھلاپ ءَ کاروائی ءِ پد ءَ وتی نشانگ ءَ بندگ ءَ انت۔