اسلام آباد۔ 01 جولائی (اے پی پی) وزیر خارجہ مخدوم شاہ محمود قریشی پارینے کہ اسٹاک ایکسچینج آ جلہو اٹی دہشت گرد آک مخلوق ءِ یرغمال کننگ خوائسرہ، بھارت بلوچستان اٹی پدریسہ نیام تمنگ ءِ۔ چارشنبے نادے آ تینا اسہ بیان اسے ٹی وزیر خارجہ پارے کہ بھارت پدریسہ کوشست کرسا بسنے کہ پاکستان اٹی نزوری مرے۔ بھارت پاکستان نا صوبہ بلوچستان اٹ پدریسہ نیام تمنگ ءِ۔ اوپارے کہ بھارت اوغانستان اٹی امن نا کوشست آتے ہم زہمی کننگ ءِ۔ امریکی نمائندہ خصوصی ءِ ہم بھارت نا بابت معلومدار کرینٹ۔ شاہ محمود قریشی پارے کہ اسٹاک ایکسچینج آ جلہو اٹی دہشت گرد آک مخلوق ءِ یرغمال کننگ خوائسرہ۔ پاکستانی ورناک دہشت گرد آتا جلہو ءِ بے سہب کریر۔ بھارت تہہ نا انتشار آن چکار ءِ اسہ کنڈ کننگ کن دہشت گردی کرفنگ ءِ۔ بھارت دنیا نا چکار ءِ اسہ کنڈ کننگ کن دہشت گردی نا واقعہ کننگ خواہک۔ مخدوم شاہ محمود قریشی پارے کہ مقبوضہ کشمیر آ جہانی چکار نا ودنگ آ بھارت پلوامہ نا ڈرامہ ءِ کرے۔
