اسلام آباد۔ 01 جولائی(اے پی پی) وزیر خارجہ مخدوم شاہ محمود قریشی پارینے کہ اوغانستان اٹی امن و سوگوی مچ آ ڈیہہ نا شونداری و شونہالی کن المی ءِ۔ داہیت ءِ او پاکستان نا خصوصی نمائندہ اوغانستان محمد صادق تون گپ وتران کرسا پارے ہراچارشنبے نادے آ وزارت خارجہ ٹی اوڑتون اوڑدہی کرے۔ اوڑدہی ٹی اوغان امن عمل تون اوار ڈیہہ نا امن و سوگوی نا بابت گپ وتران کننگا۔ وزیر خارجہ پارے کہ بھارت، تینا داخلی بے سہبی تیان، چکارءِ اسہ کنڈکننگ کن ڈیہہ نا امن ءِ لتاڑنگ کیک۔ ڈیہہ ٹی امن نا حالیت آتیان جہانی برادری ءِ پدریسہ باخبر تخانن۔ شاہ محمود قریشی پارے کہ اوغانستان اٹی امن و سوگوی مچ آ دیہہ نا شونداری و شونہالی کن المی ءِ۔ پاکستان اسیجا زمواری ءِ پورو کرسا، خلوص نیت اتون اوغان امن عمل اٹی خیرخواہی نا کڑد ءِ ادا کرے ہرانا مچ آ دنیا ٹی است بڈی ءِ کننگا۔ وزیر خارجہ پارے کہ پاکستان، اوغانستان اٹی امن تون اوار ڈیہہ ٹی امن و سوگوی کن تینا کوشست آتے برجاتخک۔
