اسلام آباد۔ 01 جولائی (اے پی پی) ڈپٹی چیئرمین پلاننگ کمیشن ڈاکٹر محمد جہانزیب خان پارینے کہ حکومت ملک اٹی توانائی نا بشخ ءِ پوسکن آ وڑوڈول آتیا اتنگ کن گام گیج کننگ ءِ۔ داخیال آتا درشانی ءِ او تدوک آ دے سینٹرل ڈویلپمنٹ ورکنگ پارٹی نا دیوان آن تران کرسا کرے۔ دیوان اٹی توانائی نا بابت اِرا ڈٹ پیش کننگا۔ ہراٹی اولیکو ڈٹ بن قاسم انڈسٹریل پارک(بی کیو آئی پی) ٹی 132 کے وی گریڈ اسٹیشن نا جوڑ کننگ کن 1493.10ملین روپئی نا ڈٹ انا منظوری ءِ تننگا۔ دا ڈٹ انا مسخت بن قاسم صنعتی پارک انا خصوصی اقتصادی زون (ایس ای زی) ءِ اڑزآن نرخ آتیا بے سلنگ بجلی نا فراوانی ءِ پک کننگ نا ءِ۔ ارٹ میکو پروجیکٹ پشاور، خیبر وبنوں سرکل اٹ اے بی سی کیبل تون ایل ٹی بیئر کنڈکٹر نا بدلی کن دیوان 2806.4ملین روپئی نا ڈٹ انا منظوری ءِ ہم تس۔
