اسلام آباد۔ 01 جولائی (اے پی پی) نیشنل لوکسٹ کنٹرول سینٹر پارینے کہ وزارت قومی غذائی رکھ و پٹ وپول، محکمہ کشت وکشار و پاکستان آرمی نا اسیجا ٹیمک ملک انا چندی ضلع غاتے ٹی ملخ آتا برخلاف پبی سروے و کنٹرول آپریشن کننگ اٹی ءُ۔ 36 ضلع غاتا زہمی علاقہ غاتے ٹی 974 اسیجا ٹیمک دا مہم اٹی بشخ ہلنگ ءُ۔ داتم اسکان 378035.99اسکوائر کلومیٹر(کم وود9.34 کروڑ ایکڑ) رقبہ غا سروے و 9191.62 اسکوائر کلومیٹر(کم و ود22.71 لکھ ایکڑ) آ کنٹرول آپریشن کننگانے۔ سروے و کنٹرول آپریشن اٹی 5097 آن زیات بندغ و 655 گاڈی بشخ ہلکر۔ چارشنبے نادے آ نیشنل لوکسٹ کنٹرول سینٹر نا جاری کروک سرجم حوال آتا رداٹ صوبہ پنجاب اٹی تدوک آ 24 گھنٹہ ٹی 262401ایکڑ آ سروے کننگا۔ سروے ٹی 2282 بندغ (بشمول پاک فوج) و 328 گاڈی بشخ ہلکر۔ داتم اسکان مچ آ صوبہ ٹی 2.78 کروڑ ایکڑ آ سروے و 848317ایکڑ آ آپریشن کننگانے۔ صوبہ سندھ اٹی تدوک آ 24 گھنٹہ ٹی 108731 ایکڑ آ سروے و 7 ضلع(شہید بینظیر آباد، لاڑکانہ، نوشیروفیروز، تھرپارکر، سکھر، گھوٹکی و خیرپور) اٹی ملخ آتا ساڑی مننگ آ 5071 ایکڑ اٹ آپریشن کننگا۔ سروے و کنٹرول آپریشن اٹی 627 بندغ (بشمول پاک فوج) و 97 گاڈی بشخ ہلکر۔ مچ آ صوبہ ٹی داتم اسکان 1.98 کروڑ ایکڑ آ سروے و 136684 ایکڑ آ آپریشن کننگانے۔ صوبہ خیبر پختونخوا ٹی تدوک آ 24 گھنٹہ ٹی 203108 ایکڑ آ سروے کننگا و 3 ضلع(ڈی آئی خان، لکی مروت وکرک) اٹی ملخ آتا ساڑی مننگ آ 489 ایکڑ آ آپریشن کننگا۔ سروے و آپریشن اٹی 880 بندغ (بشمول پاک فوج) و 111 گاڈی بشخ ہلکر۔ مچ آ صوبہ ٹی داتم اسکان 1.40 کروڑ ایکڑ آ سروے و 154347 ایکڑ آ آپریشن کننگانے۔ صوبہ بلوچستان اٹی تدوک آ 24 گھنٹہ ٹی 359669ایکڑ آ سروے و 26 ضلع (خضدار، آواران، نوشکی، چاغی، اوتھل، کیچ، پنجگور، خاران، واشک، کوئٹہ، ڈیرہ بگٹی، دکی، ہرنائی، جھل مگسی،قلات، قلعہ عبداللہ، قلعہ سیف اللہ، کوہلو، لورالائی، مستونگ، موسیٰ خیل، نصیر آباد، پشین، سبی، سوراب وزیارت) اٹی ملخ آتا ساڑی مننگ آ 6486 ایکڑ آ آپریشن کننگا۔ دا آپریشن اٹی 1308 بندغ(بشمول پاک فوج) و 119 گاڈی بشخ ہلکر۔ داتم اسکان مچ آ صوبہ ٹی 3.17 کروڑ ایکڑ آ سروے و 1131950 ایکڑ آ آپریشن کننگانے۔
