اسلام آباد۔ 01 جولائی (اے پی پی) قومی ایئر لائن نا ترجمان پارینے کہ حکومت پاکستان نا کوشست آتیان یورپین یونین پی آئی اے ءِ مسہ جولائی اسکان آپریٹ کننگ نا موکل تسنے۔ پی آئی اے نا ترجمان اے عبداللہ خان نا کنڈآن جاری اعلامیہ نا رداٹ سیکرٹری خارجہ ہلہلہ ئی وڑاٹ غٹ یورپین ملک آتا سفیر آتون رابطہ کرینے۔ ترجمان پارے کہ دا کوشست آتا سوب آن پی آئی اے ءِ یکم آن مسہ جولائی و یورپ آ شیف مننگ و اوورفلائینگ نا تاحکم ثانی موکل تسنے۔ ترجمان پارے کہ پی آئی اے انتظامیہ، وزارت خارجہ و پاکستان نا سفیر پدریسہ یورپین کمامدارآتون رابطہ ٹی ءُ۔ پی آئی اے نا اسلام آباد آن لندن و پدی بننگ نا جہاز پی کے۔ 785 و786 ہردے آنبار آپریٹ کیرہ۔ ترجمان پارے کہ ایلو جہاز آتا پڑو ءِ زوت کننگک۔
