اسلام آباد۔ 01 جولائی (اے پی پی) وزیراعظم نا خصوصی کمکار راجی رکھ ڈاکٹر ثانیہ نشتر پارینے کہ اینو یکم جولائی آ بینک آتا سالانہ اسہ دے ئی چھٹی نا سوب آن احساس ایمرجنسی کیش ہند آک مچ آ ملک اٹی اسہ دے اکن بند مریرہ۔ تینا بیان اٹی ڈاکٹر ثانیہ نشتر پارے کہ داتم اسکان مچ آ ملک اٹی اسہ کروڑ 22 لکھ 77 ہزار آن زیات خواری کش بندغ آتے ٹی 148 ارب 59 کروڑ روپئی آن زیات کمکی زر بشخنگانے۔ آزاد جموں و کشمیر اٹی 2 لکھ 1 ہزار آن زیات بندغ آتے ٹی 2 ارب 46 کروڑ آن زیات کمکی زر بشخنگانے۔ بلوچستان اٹی 7ارب 56 کروڑ روپئی آن زیات کمکی زر 6لکھ 22 ہزار آن بندغ آتے ٹی بشخنگا۔ گلگت بلتستان اٹی 87 ہزار آن زیات بندغ آتے ٹی اسہ ارب 7 کروڑ روپئی آن زیات کمکی زر بشخنگانے۔ اسلام آباد اٹی 64 ہزار آن زیات بندغ آتے ٹی 78 کروڑ روپئی آن زیات کمکی زر بشخنگانے۔ خیبر پختونخوا ٹی 25 ارب 78 کروڑ روپئی آن زیات کمکی زر 21 لکھ 23 ہزار آن زیات بندغ آتے ٹی بشخنگا۔ پنجاب اٹی 54 لکھ 70 ہزار آن زیات بندغ آتے ٹی 66 ارب 23 کروڑ روپئی آن زیات کمکی زر بشخنگانے۔ سندھ اٹی 37 لکھ 6 ہزار آن زیات بندغ آتے ٹی 44 ارب 70 کروڑ روپئی آن زیات کمکی زر بشخنگانے۔
