اسلام آباد۔ 01 جولائی (اے پی پی) نیشنل کمانڈ اینڈ آپریشن سینٹر (این سی او سی) کوروناوائرس نا بابت حساب وکتاب جاری کرینے، مچ آ ملک اٹی 26 فروری آن داتم اسکان 2 لکھ 13 ہزار 470 کیس رجسٹرڈ مسنے ہرافتیان 50 درسد اسہ لکھ 802 پورو دراخ جوڑ مسنو، کوروناوائرس نا داوخت آ اسہ لکھ 8 ہزار 273 مثبت کیس ءُ۔ تدوک آ 24 گھنٹہ ٹی 4،133 پوسکن ءُ مثبت کیس مون آ بسنے، 91 کورونا زہمی بندغ زوال کرینو۔ این سی او سی نا رداٹ تدوک آ دے 22 ہزار 418 بندغ آتا کوروناوائرس ٹیسٹ کننگانے۔ ہرافتے ٹی پنجاب نا 8،284، سندھ انا 9435، کے پی کے نا 2،211، اسلام آباد نا 1،736، بلوچستان نا 392، گلگت بلتستان نا 99 و آزاد کشمیر نا 261ٹیسٹ اوار ءُ۔ گلگت بلتستان اٹی اسہ ناجوڑ اس ہم وینٹی لیٹر آ اف۔ مچ آ ملک اٹی 1562وینٹی لیٹر کوویڈ۔ 19 نا ناجوڑ آتے کن جتا کننگانے ہرافتیان 491وینٹی لیٹر کاریم اٹ اتنگ انگ ءُ۔ مچ آ ملک انا 2 لکھ آن زیات کوویڈ۔ 19 نا پک کیس آتیان آزاد کشمیر نا 1093، بلوچستان نا 10ہزار 476، گلگت بلتستان نا 1،489، اسلام آباد نا 12 ہزار 912، کے پی کے ، نا 26 ہزار 598، پنجاب نا 76 ہزار 262، سندھ انا 84 ہزار 640 ناجوڑ اوار ءُ۔ داتم اسکان 4 ہزار 395بندغ کوروناوائرس نا سوب کزیت کرینو۔ داتم اسکان 13 لکھ 5 ہزار 510 ٹیسٹ کننگانے ۔ مچ آ ملک انا 768 ہسپتال آتے ٹی 5 ہزار 5 ناجوڑ درمان مننگ ءُ۔
