اسلام آباد۔ 01 جولائی(اے پی پی) وزارت ریاستین و سیمی امور (سیفران) غٹ تعلقدار محکمہ بشخ آتے رجسٹرڈ اوغان باہوٹ آتا شناختی دستاویز آتا سمری نا منظوری اسکان ہر باہوٹ ءِ بے سوب تنک کننگ نا تورینے وخت اس کہ وزارت سیفران مچ آ ملک اٹی رہینگوک آ 14 لکھ رجسٹرڈ(پی او آر) کارڈ و 8 لکھ اوغان نیشنل کارڈ تخوک آ باہوٹ آتا اڈ کننگ نا مد اٹ ودکی کن بنجائی کابینہ ءِ سمری اس مون تسنے۔ ولے کابینہ غان منظوری اسکان دا باہوٹ آتے غٹ آسراتی دوئی ءِ۔ وزارت ریاستیں و سیمی امور اسہ نوٹیفکیشن اسے نا کمک اٹ رجسٹرڈ اوغان باہوٹ پی او آر کارڈ ہولڈر پی سی سی کارڈ تخوک آ نادراتون رجسٹرڈ اوغان باہوٹ آتا اڈ کننگ اٹ بنجائی کابینہ غان ودکی اسکان غٹ ادارہ غاتے بے سوب تنک کننگ آن تورینے۔ یات سلے کہ مچ آ ملک اٹی رجسٹرڈ اوغان باہوٹ آتا اڈ کننگ نا مد یکم جولائی آ چٹانے، مچ آ ملک اٹی داوخت آ 22 لکھ آن زیات اوغان باہوٹ رہینگ انگ ءُ۔
