اسلام آباد۔ 01 جولائی (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار بڑزکو پنجاب، بڑزکو خیبر پختونخواو کشمیر نا کیبی مشی آ علاقہ غاتے ٹی ہورہ و گروک تون پِر انا گمان ءِ وخت اس کہ ملک انا ایلو علاقہ غاتے ٹی موسم باسن و جمری مریک۔ تدوک آ 24 گھنٹہ ٹی نیامی، سویلی پنجاب، خیبر پختونخوا و بلوچستان اٹی پِر مس۔ غٹ آن زیات پِر پنجاب، ملتان40، ڈیرہ غازی خان22، خانیوال18، کوٹ ادواسٹ، بلوچستان، زیارت 10، خضدار، بارکھان 4، پنجگور، دالبندین، کوئٹہ، قلات اسٹ، خیبر پختونخوا، بنوں ٹی 4 ملی میٹر پِر ریکارڈ کننگا و ملک انا گیشتر علاقہ غاتے ٹی موسم باسن و جمری ئس۔ زیات آن زیات درجہ حرارت، نوکنڈی47، موہنجوداڑو سبی ٹی 45 ڈگری سینٹی گریڈ ریکارڈ کننگا۔
