دالبندین، زیارت، بالانوش، نوکنڈی، ماشکیل روڈ آتا فزیبلٹی ءِ پورو کننگانے، اگست نا اولیکو ہفتہ ٹی ٹینڈر کننگک
اسلام آباد۔ 30 جون (اے پی پی) چیئرمین سینیٹ محمد صادق سنجرانی پارینے کہ زند انا آب اٹ بدلی اتنگ کن گچین مواصلاتی نظام بے کچ اہم ءِ۔ کم شون ہلوک علاقہ غاتے شونداری نا بنجائی دنگ اٹ اتنگ کن روڈ انا نیٹ ورک المی ءِ۔ صوبہ بلوچستان اٹی جاری ڈٹ آتے زوت پورو کننگے۔ چیئرمین سینیٹ محمد صادق سنجرانی ءِ صوبہ بلوچستان اٹی جاری ڈٹ آتیا چیئرمین این ایچ اے کیپٹن (ر) سکندر قیوم حوال تس و این ایچ اے نا ڈٹ آتیا پیش رفت انا بارواٹی معلومدار ہم کرے۔ چیئرمین سینیٹ پارے کہ کم شون ہلوک علاقہ غاتے شونداری نا مرکزی دنگ اٹ اتنگے۔ صوبہ بلوچستان قدرتی وسیلہ غاتیان شُپ ءِ و گچین روڈ نیٹ ورک انا سوب علاقہ ٹی زرکاری بریک و روزگار نا وارخواہی ودی مریک۔ چیئرمین این ایچ اے حوال اٹی پارے کہ دالبندین، زیارت، بالانوش، نوکنڈی، ماشکیل روڈ آتا فیزیبلٹی ءِ پورو کننگانے و پوسکن آ مالی سال اٹی اگست نا اولیکو ہفتہ ٹی ٹینڈر کننگک۔ چیئرمین سینیٹ پارے کہ کم شون ہلوک علاقہ غاتے شونداری نا مرکزی دنگ اٹ اتنگ کن روڈ انا نیٹ ورک المی ءِ۔ صوبہ بلوچستان اٹی جاری شونداری ڈٹ آک بے کچ اہم ءُ داڑآن علاقہ ٹی شونداری مریک۔ اوپارے کہ زند انا آب اٹ بدلی اتنگ کن گچین مواصلاتی نظام بے کچ اہم ءِ۔ چیئرمین سینیٹ داہیت آ زور شاغا کہ صوبہ بلوچستان اٹی جاری ڈٹ آتے زوت آن زوت پورو کننگے۔ اوپارے کہ سڑک آتا نیٹ ورک اخس کہ سوگو مریک زرگزران نا پہیہ ہموخس ہی ترندی اٹ چلینگک۔محمد صادق سنجرانی پارے کہ پدسلوک آ علاقہ غاتے ٹی شونداری ڈٹ آتا پوروی آن شونہالی نا پوسکن آ دور بناکیک۔
