اسلام آباد۔ 30 جون (اے پی پی) وزارت قومی غذائی رکھ و پٹ وپول، محکمہ کشت وکشار و پاکستان آرمی نا اسیجا ٹیمک ملک انا چندی ضلع غاتے ٹی ملخ آتا برخلاف پبی سروے و کنٹرول آپریشن کننگ ءُ۔ 41 ضلع غاتا زہمی علاقہ غاتے ٹی 972 اسیجا ٹیم دا مہم اٹی بشخ ہلنگ ءُ۔ داوخت اسکان 374264.07مربع کلومیٹر (کم و ود 9.24 کروڑ ایکڑ) رقبہ غا سروے و 9142.87 مربع کلومیٹر (کم و ود 22.59 لکھ ایکڑ) آ کنٹرول آپریشن کننگانے۔ سروے و کنٹرول آپریشن اٹی 5172 آن زیات بندغ و 667 گاڈی بشخ ہلکر۔ سے شنبے نادے آ نیشنل لوکسٹ کنٹرول سینٹر نا جاری کروک سرجم حوال آتارداٹ صوبہ پنجاب اٹی تدوک آ 24 گھنٹہ ٹی 219328 ایکڑ آ سروے و 3 ضلع(رحیم یار خان، بہاولنگرو بھکر) اٹی 469 ایکڑ آ آپریشن کننگا۔ سروے و کنٹرول آپریشن اٹی 2351 بندغ(بشمول پاک فوج) و 338 گاڈی بشخ ہلکر۔ داوخت اسکان مچ آ صوبہ ٹی 2.75 کروڑ ایکڑ آ سروے و 848317 ایکڑ آ آپریشن کننگانے۔ صوبہ سندھ اٹی تدوک آ 24 گھنٹہ ٹی 101375 ایکڑ آ سروے و 8 ضلع( شہید بینظیر آباد، نوشیروفیروز، جام شورو، دادو، خیرپور، گھوٹکی، سکھرو تھرپارکر) اٹی ملخ آتا مننگ آ 6380 ایکڑ اٹ آپریشن کننگا۔ سروے و کنٹرول آپریشن اٹی 627 بندغ (بشمول پاک فوج) و 97 گاڈی بشخ ہلکر۔ مچ آ صوبہ ٹی داوخت اسکان 1.97 کروڑ ایکڑ آ سروے و 131613ایکڑ آ آپریشن کننگانے۔ صوبہ خیبر پختونخوا ٹی تدوک آ 24 گھنٹہ ٹی 212239 ایکڑ آ سروے کننگا و 4 ضلع (ڈی آئی خان، نا مروت، اورکزئی و کرک) اٹی ملخ آتا مننگ آ 551 ایکڑ آ آپریشن کننگا۔ سروے و آپریشن اٹی 907 بندغ (بشمول پاک فوج )و 115 گاڈی بشخ ہلکر۔مچ آ صوبہ ٹی داوخت اسکان 1.38 کروڑ ایکڑ آ سروے و 153857 ایکڑ آ آپریشن کننگانے۔ صوبہ بلوچستان اٹی تدوک آ 24 گھنٹہ ٹی 375981 ایکڑ آ سروے و 26 ضلع (خضدار، نوشکی، چاغی، اوتھل، کیچ، پنجگور، خاران، واشک، کوئٹہ، ڈیرہ بگٹی ، دکی، ہرنائی ، جھل مگسی، قلات ، قلعہ عبداللہ، قلعہ سیف اللہ، کوہلو ، لورالائی ، مستونگ ، موسیٰ خیل، نصیر آباد، پشین، سبی، سوراب، آواران و زیارت) اٹی ملخ آتا مننگ آ 8345ایکڑ آ آپریشن کننگا۔ دا آپریشن اٹی 1308 بندغ (بشمول پاک فوج) و 119 گاڈی بشخ ہلکر۔ داوخت اسکان مچ آ صوبہ ٹی 3.14 کروڑ ایکڑ آ سروے و 1125463 ایکڑ آ آپریشن کننگانے۔
