اسلام آباد۔ 29 جون (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری کراچی اسٹاک ایکسچینج آ دہشت گرد آتا جلہو نا ترند انگا لوز آتے ٹی مذمت ءِ کرینو۔ دوشنبے نادے آ اسپیکر و ڈپٹی اسپیکر جلہو اٹی نہادی جانی نسخان آ ڈکھ و است ہسونی و دہشت گرد آتا جلہو اٹی شہید مروک آتا خاہوت آتون دلی ہمدردی نا درشانی ءِ کریر۔ اوفک پاریر کہ کانود نافذ کروک آ ادارہ غاتے دہشت گرد آتا جلہو ءِ بے سہب کننگ آ خراج تحسین پیش کینہ۔ ملک دشمنک تینا ناپاک مسخت آتے کن ملک اٹی ہڑدڑ تالان کننگ خوارہ۔ اسپیکر قوممی اسمبلی پارے کہ پاکستان نا دفاعی ادارہ دشمن نا ہر چم ءِ بے سہب کننگ نا پبی لائخی تخک۔ اسپیکر اسد قیصر و ڈپٹی اسپیکر قاسم سوری ئسک پاریر کہ اللہ تعالیٰ آن دعا ءِ کہ دہشت گرد آتا جلہو اٹی شہید مروک آتا درجہ غاتا بڑزی، ٹھپی تا زوت دراخہ جوڑی و خاہوت آتے دا ناقابل تلافی نسخان ءِ سگنگ کن صبر و جمیل عطاء کے۔
