پولیس و کانود نافذ کروک آ ادارہ غاتا وخت آ کارروائی دہشت گرد آتا ناپاک عزم ءِ مش تا کرے
اسلام آباد۔ 29 جون (اے پی پی) وزیر خارجہ شاہ محمود قریشی پاکستان اسٹاک ایکسچینج آ مروک آ دہشت گردانہ جلہو نا ترندی اٹ مذمت ءِ کرینے۔ دوشنبے نادے آ تینا بیان اٹی وزیر خارجہ پارے کہ دشمن اسہ وار ولدا ننا داخلی سلامتی آ جلہو گیر مننگ نا کوشست کرے۔ ننا مستعد فورس دمدستی وڑاٹ ہراوڑاٹ دہشت گرد آتا مکروہ عزم ءِ بے سہب کرینے اوستاکڑزک۔ شاہ محمود قریشی پارے کہ پولیس و کانود نافذ کروک آ ادارہ غاتا وخت آ کارروائی دہشت گرد آتا ناپاک عزم ءِ مِش تا کرے۔ دہشت گردی نا عفریت ءِ ماس کش کننگ کن، مچ آ قوم، سلہہ بند فوج، پولیس و کانود نافذ کروک آ ادارہ غاتون سوگو ءُ دیوال اسے آنبار سلوک ءِ۔ وزیر خارجہ دا لغورانگا جلہو ءِ بے سہب کننگ کن تینا جان تا نذرانہ ءِ پیش کروک آ شہید آتا درجہ غاتا بڑزی کن دعا و خاہوت آتون ہمدردی کرے۔ وزیر خارجہ ٹھپی تا زوت دراخہ جوڑی کن ہم دعا کرے۔
