اسلام آباد۔ 29 جون (اے پی پی) بنجائی وزیر حوالکاری وشینکاری سینیٹر شبلی فراز پاکستان اسٹاک ایکسچینج آ جلہو نا ترندی اٹ مذمت ءِ کرسا پارینے کہ ملکی زرگزران و شونداری ءِ شست کروک آک تینا ناپاک عزم اٹ بے سہب و نامراد مریرہ۔ دوشنبے نادے آ تینا ٹویٹ اٹی بنجائی وزیر سینیٹر شبلی فراز پارے کہ تینے مون اٹ ترسا الس نا زند انا رکھ ءِ کروک آک و جلہو ءِ بے سہب کروک آک گمر نا قابل ہیرو ءُ۔ اوپارے کہ شہید مروک آ سیکورٹی کارندہ غاتے خراج عقیدت، غمزدہ خاہوت آتون دلی ہڑزخواہی و ٹھپی تا زوت دراخہ جوڑی کن دعا کینہ۔
