اسلام آباد۔ 29 جون (اے پی پی) وزیر خارجہ شاہ محمود قریشی پارینے کہ حکومت عدلیہ نا آجوئی و کانود نا حکمرانی آ باور کیک، وکلابرادری نا راجی آسراتی ساڑی حکومت نا اولیت ءِ۔ داہیت ءِ۔ داہیت ءِ او دوشنبے نادے آ وزارت کانود و انصاف اٹی پنجاب نا چندی بار کونسل آتا صدر، سیکرٹری و عہدیدار آتے ٹی چیک بشخنگ نا دود آن تران کرسا پارے۔ دود اٹی وزیر خارجہ مخدوم شاہ محمود قریشی خصوصی بشخ ہلک وخت اس کہ بنجائی وزیر تعلیم شفقت محمود، چیف وہپ ملک عامر ڈوگر، ایم این اے ملک کرامت کھوکھر ئسک ہم دود اٹی بشخ ہلکر۔ وزیر خارجہ مخدوم شاہ محمود قریشی پارلیمانی سیکرٹری کانود و انصاف بیرسٹر ملیکہ بخاری تون اوار، پنجاب بار کونسل، ڈسٹرکٹ بار لاہور، ڈسٹرکٹ بار ملتان نا بڑزکو عہدیدار آتے ٹی بنجائی حکومت نا کنڈآن چیک بشخا۔ دا وخت آ وزیر خارجہ وکیل آتیان تران کرسا پارے کہ وکلاء برادری نا راجی آسراتی ساڑی حکومت نا اولیت ءِ۔ اوپارے کہ دا فنڈ، بار ایسوسی ایشن تا راجی آسراتی کن بجٹ اٹ خصوصی وڑاٹ جتا کننگانے۔ نن سمجھنہ کہ بار کونسل آتا آجو حیثیت ءِ برقرار تخنگ کن مالی وتواجہی بھاز المی ءِ۔ شاہ محمود قریشی پارے کہ مشکل مالی حالیت آتیان پد ہم ، بارکونسلز نا گرج و ویل آتے مون آ تخسا اوفتا دادرسی کن کوشست کننگ اُن۔ حکومت عدلیہ نا آجوئی و کانود نا حکمرانی آ یخین تخک، وکیل آک وزیر خارجہ ءِ تینا ویل آتیان معلومدار کریر۔ وزیر خارجہ پارے کہ ننے وکلاء برادریءِ مون تروک ویل آتا پورو سماءِ، حکومت وکلاء برادری نا ویل آتے ایسر کننگ کن غٹ ممکنہ المی گام گیج کیک۔ وزیر خارجہ وکلاء برادری ءِ اوفتا ویل، آتے اولیتی بنداو تیا ایسر کرفنگ نا باوری کرفے۔
