الحمدللہ پاکستان ءَ جوڑ بوھوکیں وینٹیلیٹرز آنی اولی سامان آنی بار گوزوکیں ھپتگ ءَ این ڈی ایم اے ءِ ھوالگ ءَ کنگ بیت، فواد چودھری

اسلام آباد ۔ 28 جون (اے پی پی) بنجاھی وزیر سائنس ءُ ٹینکالوجی فواد چودھری ءَ گوشت کہ الحمداللہ پاکستان ءَ جوڑ بوھوکیں وینٹیلیٹرز آنی اولی سامان آنی بار گوزوکیں ھپتگ ءَ این ڈی ایم اے ءِ ھوالگ ءَ کنگ بیت۔ یک شمبے ءَ ٹویٹے ءِ تہ ءَ ویڈیو کلوہے ءِ تہ ءَ فواد چوہدری ءَ گوشت کہ پاکستان انجینئرنگ کونسل ءُ این آر ٹی سی ءَ را مبارک بات دیان ئَ گوشت کہ آیوکیں سئے ڈیزائن ھم گڈی بھر آنی تہ ءَ انت۔ ما دگنیا ءِ لستیں ملک آںی لڑ ءَ ھوار انت ھما گرانیں میڈیکل مشیین جوڑ کن انت۔ اے توامیں مشین ای یو اسٹینڈرڈ ءِ رد ءَ انت۔ بنجاھی وزیر فواد چودھری ءَ گوشت کہ پاکستان دگنیا ھما ملک آنی لڑ ءَ ھوار بیت ھما وینٹیلیٹرز جوڑ کناں۔ آئی ءَ گوشت کہ آیوکیں 8 ءَ بگر تاں 10 ھپتگ آنی تہ ءَ اے وینٹیلیٹرز این ڈی ایم اے ءِ ھوالگ ءَ کنگ بنت۔ آئی ءَ گوشت کہ سئے گیش ڈیزائن تیاری ءِ گڈی سیم سر آں انت۔ اللہ بکنت مارا وینٹیلیٹرز آنی ضلورت مہ کپ آت۔ وتی ضلورت آنی سرجم کنان ءَ ما وینٹیلیٹرز ڈنی ملک آناں روان دات کت کناں۔ فواد چوہدری ءَ گوشت کہ وھد ءِ پاکستان ءَ کوویڈ-19 ءِ اولی کیس اتک ما اچ جوڑ کنگ ءَ نہ بوتگ انت۔ لستیں ماھ آنی تہ ءَ ما بازیں چیز جوڑ کنگ ءِ لائک بوتگ انت۔