اسلام آباد ۔ 28 جون (اے پی پی) حکومت ءَ صوبہ پنجاپ ، صوبہ سندھ ءُ ریاست آزات کشمیر ءَ احساس ایمجنسی کیش گرانٹ ءِ چیر دستی ءَ انوگ ءَ تاں 100 ارب 63 کروڑ کلدار ءَ چہ گیش زرّ بھر ءُ بانگ کتگ۔ سرجمیں ملک ءَ کوویڈ-19 ءِ جاور ھال آنی رد ءَ بزگریں مردم آناں احساس ایمرجنسی کیش گرانٹ ءِ چیر دستی ءَ مالی کمک 12000 ہزار کلدار ھمک ھاندان ءَ را دیگ بوھگ ءَ انت۔ وزارت ءِ گریبی ءِ ھلاسی ءِ نیمگ ءَ جاڑی بوتگیں ھساب ءُ داد آنی رد ءَ حکومت ءِ احساس ایمرجنسی کیش پروگرام ءِ چیر دستی ءَ کوویڈ-19 ءَ چہ آماچ بوھوکیں ھاندان آناں 12000 ہزار کلدار ھمک ھاندان کمک ءِ رچ جاڑی انت۔ صوبہ پنجاپ ءَ 49 لکھ 64 ہزار ءَ چہ گیش ھاندان ءَ 60 ارب 31 کروڑ کلدار، صوبہ سندھ ءَ 34 لکھ 99 ہزار ءَ چہ گیش ھاندان آناں 42 ارب 20 کروڑ ءَ چہ گیش زرّ ءُ ریاست آزات کشمیر ءَ 1 لکھ 82 ہزار ءَ چہ گیش ھاندان آناں 7 ارب 3 کروڑ ءَ چہ گیش ھاندان آناں بھر ءُ بانگ کنگ بوتگ۔ ھواریں رنگ ءَ 86 لکھ 5 ہزار ھاندان آناں 100 ارب 63 کروڑ کلدار بھر ءُ بانگ کنگ بوتگ۔
