اسپیکر قومی اسمبلی اسد قیصر ءَ بلوچستان ءِ ھوالگ ءَ جوڑ بوتگیں راجی اسمبلی ءِ ھاسیں کمیٹی ءِ اولی دیوان ءَ گوں گشتانک

اسلام آباد ۔ 27 جون (اے پی پی) اسپیکر راجی اسمبلی اسد قیصر ءَ گوشت کہ بلوچستان ءِ دیمروئی ءُ صوبگ ءِ الس آنی جیڈھ آنی گیواری استیں حکومت ءِ اولی ترجی داتگیں کار آنی تہ ءَ ھوار انت۔ آئی ءَ گوشت کہ بلوچستان ءُ ایشی ءِ الس آنی چاگردی ءُ گہبودی جیڈھ آنی گیواری ءِ واستہ پارلیمان گہتریں فورم انت۔ آئی ءَ گوشت کہ استیں حکومت بلوچستان ءِ الس ءِ جیڈھ آنی گیواری ءِ واستہ جزمیگ انت۔ بلوچستان ءِ دییمروئی ءَ پاکستان ءِ دیمروئی پھمگ بیت۔ آئی ءَ اے ھیالانی درشانی شمبے ءِ روچ ءَ پارلیمنٹ گس ءَ استیں بلوچستان ءِ ھوالگ ءَ جوڑ بوتگیں راجی اسمبلی ءِ ھاسیں کمیٹی ءِ اولی دیوان ءِ سروکی ءَ کنان ءَ کت۔ اسپیکر اسد قیصر ءَ گوشت کہ چین۔ پاک اقتصادی راہداری (سی پیک ) گلگت بلتستان ءَ چہ بندات بوھان ءَ ءُ بلوچستان ءَ ایش گڈ بیت ایشی ءِ ارزشت ءَ دگہ ھم گیشی کنگ بیت ھمے ھاترا اے پارلیمانی کمیٹی ءَ سی پیک ءِ گواچنی سیت آںاں ھندی مردم آں تاں پجارینگ ءَ دل یکیمی جوڑ کنگ ءِ واستہ کار کنگ ءِ ضلورت انت۔ آئی ءَ گوشت کہ مزن وزیر عمران خان ءِ نیمگ ءَ بنجاھی محکمہ آنیہ تہ ءَ مزدگر آناں بلوچستان ءِ شش درسد کوٹہ ءِ سرجم کنگ ءَ را دل یکیمی جڑ کنگ ءِ واستہ ایگزیکٹیو آرڈر ءِ بنگیج مزن وزیر ءِ نیمگ ءَ بلوچستان ءِ جیڈھ آنی گیواری کنگ ءِ واستہ جھلانکیں واھگ ءُ واھشت آنی درشان انت۔ کمیٹی دیوان ءَ ڈپٹی اسپیکر قاسم خان سوری، بنجاھی وزیر ، ڈاکٹر فہمیدہ مرزا ءُ پرویز خٹک ءَ ھوار راجی اسمبلی ءِ باسک انجینئر صابر حسین قائم خانی، احسان اللہ ریکی ، نواب محمد اسلم بھوتانی ءَ شرکت کت وھدیکہ آغا حسن بلوچ ءُ ملک عامر ڈوگر ءَ کمیٹی دیوان ءِ ھاسیں دعوت ءِ پد ءَ شرکت کت۔