نوکیں ٹیکنالوجی ءُ تکنیکس آناں دیمروئی دیگ ءَ چہ "کپاس” پُکی ءِ پیداوار ءِ تہ ءَ گیشی بوت کنت، سید فخر امام

اسلام آباد ۔ 27 جون (اے پی پی) بنجاھی وزیر برائے راجی وردن ءُ وراک ءُ پٹ ءُ پول سید فخر امام ءَ گوشت کہ نوکیں ٹیکنالوجی ءُ تیکنیکس آناں دیمروئی دیگ ءَ چہ پُکی ءِ پیداور ءِ تہ ءَ جوانیں گیشی بوت کنت، وزارت ءِ راجی وردن ءُ وراک ءُ پٹ ءُ پول پُکی ءَ را سیت مندیں کاروبار ءِ جوڑ کنگ ءُ ایشی ءِ پیداواری کچ ءُ کسس ءَ را کم کنگ ءِ واستہ چائنہ سیڈ ٹیکنالوجی ءِ سر ءَ کار کنگ ءَ انت۔ اے ھیالانی درشانی آئی ءَ شمبے ءِ روچ ءَ پاکستان کاٹن جنرز ایسوسی ایشن (پی سی جی اے ) ڈل ءَ گوں تران کنان ءَ کت اے موہ ءِ سر ءَ پاکستان ءَ کپاس ءِ پیداوار ءِ جاور ھال آنی سر ءَ ھیال ریچی کنگ بوت۔ آئی ءَ گوشت کہ ٹیکس ریفنڈ، ٹیکسٹائل مل آںی وسیلگ ءَ پُکی ءِ سست بھا زوری ءُ لیکویڈیٹی ایشوز کوویڈ-19 ءِ ساھت ءَجیننگ سیکٹر ءَ را ھرابیں رنگ ءَ آماچ کنگ ءَ انت۔ آئی ءَ زور پر دات کہ وزارت ءِ راجی وردن ءُ وراک ءِ رکھینگ ءُ پٹ ءُ پول جننگ سیکٹر ءَ را رکھینگ ءَ ارزشتی ایں کرد ءِ پیلو کت کنت۔