پٹرول ءِ نیاد میاں استمانی پِڑی ءِ ردءَ ٹھینگ بوتگ، شہباز گِل

اسلام آباد ۔ 27 جون (اے پی پی) مزن وزیر ءِ حاسیں کمکار ڈاکٹر شہباز گِل ءَ گشتگ کہ پٹرول ءِ نیاد میاں اوستمانی پِڑیءِ ردءَ گیشینگ بیت، وہدے دنیا ءَ نیاد کم بوتگ مزن وزیر ءَ زوت ریلیف دیئگ ءِ ھاترءَ نیاد کم کنگءِ حکم داتگ بوتگ ءُ نوں سرجمیں دنیاءِ نیادءِ گیشی ءِ اثر دیما پیداک اَنت۔ شمبےءِ روچءَ سماجی نزیکی ءِ تنج ٹویٹر ءِ سرءَ وتی کلوہءَ آئی ءَ گشتگ کہ پاکستان ءَ نیاد درائیں خطہ ءِ تہ ءَ درساں چہ کم اَنت۔ بھارت ءَ 180، جاپان 196، بنگلہ دیش 174 ءُ چین ءَ 138 کلدار اِنت۔ ڈاکٹر شہباز گِل ءَ اپوزیشن لیڈر شہباز شریف ءِ ٹویٹ ءِ پسو ءَ گشتگ کہ تو ہمے "گچین کتگیں” سروکی ءِ گپءَ اِت کہ آئی ءِ گورءَ ارباں کلدار ءِ TTs،لندن ءَ مال ءُ جائیداد، بے نامیں اکاؤنٹءُ کٹ ءُ کمائی ءَ چہ گیشیں مال ءُ زر ءِ ایچ پسو نیست۔ آئی ءَ گشتگ کہ آمید گس ءَ چہ سزا بوہگءَ پد نادراہ بوتگ ءُ وتی راستیں ملک لندن ءَ تتکگ ءُ چیر بوتگ اَنت ءُ نوں کورونا ءَ وتی نام ءَ وشنام کنگ ءِ ھاترءَ یکے واتر بوتگ، نیب ءَ توار کتگ پدا نادراہ بوتگ۔