ٹیل ءِ نیاد آنی تہ ءَمیاں اوستمانی منڈی ءَ بوھوکیں گیشی ءِ رد ءَ چہ کم گیشی کنگ بوتگ، بنجاھی وزیر ھاٹیگ عمر ایوب خان

اسلام آباد ۔ 27 جون (اے پی پی) بنجاھی وزیر ھاٹیگ عمر ایون خان ءَ گوشت کہ ٹیل ءِ نیاد آنی تہ ءَ میاں اوستمانی منڈی آنی تہ ءَ بوھوکیں گیشی ءِ رد ءَ چہ مئے کرا کمو کنگ بوتگ، پاکستان ءَ ٹیل ءِ نیاد زرّباری ایشیا ءَ درستاں چہ کمتر انت، شمبے ءِ روچ ءَ راجی اسمبلی ءَ ٹیل ءِ نیاد آںی تہ ءَگیشی ءِ سر ءَ بیان دیان ءَ آئی ءَ گوشت کہ راستی ایش انت کہ اوپیک ءِ باسکٹ نیاد آنی تہ ءَ 48 درسد گیشی بوتگ۔ میاں اوستمانی مارکیٹ ءَ 46 روچ ءَ ٹیل ءِ نیاد آنی تہ ءَ 112 درسد گیشی بوتگ۔ اے کساس ءَ چہ پاکستان ءَ ھرچی گیشی بوھگی بوتگ آ 41 کلار ءُ پجاھ پیسہ انت پدا ھم حکومت ءَ پیٹرولیم ءِ نیاد 41 ءِ مٹ ءَ 25 درسد ءُ ڈیز ءِ نیاد ءِ تہ ءَ 24 درسد گیشی ءِ مٹ ءَ 21 کلدار گیشی کنگ بوتگ۔ آئی ءَ گوشت کہ ایشی ءَ ابید نا ایوک ءَ برصغیر بلکینگ ءَ زرّباری ایشیا ءِمٹ ءَ ھم پاکستان ءَ پیٹرولیم ءِ چیز آنی نیاد کم انت۔ عمرا ایوب ءَ گوشت کہ حکومت وتی انرجی مکس گہتر کنگ ءَ انت۔ اے راستی انت ایشاناں کس رد کت نہ کنت۔ اپوزیشن پوائنٹ سکورنگ ضلور بکنت بلے راستی الس ءِ دیم ءَ ایر کنگ بہ بنت۔ گوستگیں وھد ءَ کلدار ءِ ارزشت ءَ را مھکم دارگ ءِ واستہ 24 ارب ڈالر سُتک ءُ سوچ کنگ بوتگ۔