پاکستان ءِ 29 جون ءَ مہاراجہ رنجیت سنگھ ءِ سالروچ ءِ موہ ءَکرتار پور راہداری ءَ را دوارگ پچ کنگ ءِ سر ءَ رضامندی

اسلام آباد ۔ 27 جون (اے پی پی) پاکستان ءَ 29 جون ءَ مہاراجہ رنجیت سنگھ ءِ سالروچ ءِ درگت ءَ کرتار پور راہداری ءَ را دوارگ پچ کنگ ءِ سر ءَرضامندی درشان کتگ۔ پیسلہ ءَ چہ بھارت ءَ را سرپد کنگ بوتگ۔ شمبے ءِ روچ ءَ ترجمان درئی کارانی کارگس ءِ رد ءَ سرجمیں دگنیا ءَ نیک راھی ھند ءُ جاھ آناں پچ کنگ بوھگ ءَ انت۔ پاکستن ءَ ھم سکھ زیارت کنوک آنی واستہ کرتار پور راہداری ءَ را دوارگ پچ کنگ ءِ تیاری کتگ۔ ترجمان ءَ گوشت کہ بابا گرونانک ءِ 550 پنچ سد ءُ پنجاھمی ودی بوھگ ءِ روچ ءِ درگت ءَ مزن وزیر عمران خان ءَ کرتار پور راہداری ءِ بنگیج 09 نومبر 2019 ءَ کتگ ات۔ ترجمان ءَ گوشت کہ کرتار پور راہداری ایمنی ءُ نیک راھی وت مہ وتی آنی چیدگ انت، حکومت ءِ پاکستان ءَ اے جوانیں گامگیج بھارت ءَ ھوار سرجمیں دگنیا ءِ سکھ برات آں اے گامگیج ءَ را ساڑاتگ۔ ترجمان ءَ گوشت کہ کوویڈ 19 ھوپ ءِ سبب ءَ اے راہداری ادارُکی رنگ ءَ 16 مارچ 2020 ءَ بند کنگ بوتگ۔ بلے نوں سرجمیں دگنیا ءَ نیک راھی کار آنی ھند پچ کنگ بوھگ ءَ انت۔ پاکستان ءَ ھم سکھ برات آنی واستہ کرتار پور صاحب راہدری ءَ را دووارگ پچ کنگ ءِ واستہ توامیں ضلوریگیں انتظامی کتگ انت۔ ترجمان ءَ گوشت کہ جان سلامتی رھبند آنی پد ءُ رند کنگ ءَ را دل یکیمی کنگ ءِ واستہ ، پاکستان ءَبھارت ءَ را راہداری ءَ را پچ کنگ ءِ واستہ ضلوریگیں ایس او پیز آنی سر ءَ کار کنگ ءِ دعوت داتگ۔