وزیراعظم عمران خان نا بیدادی نا گواچی مروک آتا مخ تفی نا جہانی دے انا وختآ کلہو

اسلام آباد۔ 26 جون (اے پی پی) وزیراعظم عمران خان اسہ وار ولدا جہانی برادری آ زور شاغانے کہ او مقبوضہ کشمیر اٹی انسانی حق آتا لتاڑنگ نا مرتکب مننگ آ بھارت نا محاسبہ ءِ کے۔ جمعہ نا دے آ بیدادی نا گواچی مروک آتا مخ تفی نا جہانی دے انا وخت آ تینا ٹویٹ اٹی وزیراعظم پارے کہ اینو نادے او جہانی برادری آن خواست کیک کہ مقبوضہ کشمیر اٹی انسانی حق آتا لتاڑوک آ بھارت نا محاسبہ ءِ کننگے ہرا زالبول ، چناو ورناتیا پیلٹ گن آتے کاریم اٹ اتنگ ءِ۔ جنسی جلہو کننگ ءِ و بجلی نا جھٹکہ غاتیان اوفتے مرک تننگ تون اوار اوفتیا بدترین ذہنی و جونی تشدد آزموندہ کننگ ءِ۔ وزیراعظم پارے ک ہندوتوا نا پیروکار کوزی گر مودی سرکار نا پرمان آ غاصب بھارتی فوج انا کروک آ بربریت نا دا کسہ غاک اقوام متحدہ، انسانی حق انا تنظیم و جہانی میڈیا نا ریکارڈ آٹو۔ و انسانی حق و جہانی کانود نا برخلاف دا بھارتی ظلم آتیا پدریسہ خاموشی ءِ جہانی برادری نا کنڈآن بایدے امنا کننگپ۔