این ڈی ایم اے صوبہ غاتے ڈاکٹر آتے کن رکھی گڑاتا 9 می کھیپ انا فراوانی ءِ پورو کرے، ترجمان

اسلام آباد۔ 26 جون (اے پی پی) نیشنل ڈیزاسٹرمینجمنٹ اتھارٹی نا کنڈآن ڈاکٹر آتے کن رکھی گڑاتا 9 می کھیپ انا صوبہ غاتے فراوانی ءِ پورو کننگا۔ این ڈی ایم اے نا ترجمان نا رداٹ پنجاب، گلگت بلتستان و آزاد کشمیر نا ہسپتال آتے ہم گڑامون تننگانے۔ پنجاب ءِ 2 لکھ سرجیکل ماسک و 45 ہزار جتا وڑنا آئی سی یو ماسک تس۔ جی بی ءِ 50 ہزار و آزاد کشمیر ءِ 40 ہزار سرجیکل ماسک تننگا۔ جی بی ءِ 15ہزار وخت اس کہ آزاد کشمیر ءِ 12 ہزار آئی سی یو ماسک روانہ کننگا۔ پنجاب ءِ 20 ہزار، جی بی ءِ 5 ہزار و آزاد کشمیر ءِ 4 ہزار رکھی سوٹ ہم مون تننگانے۔ پنجاب ءِ 50 ہزار، جی بی و آزاد کشمیر ءِ 15، 15 ہزار سرجیکل گاؤن ہم مون تننگا۔ پنجاب ءِ 200 تھرمل گن، جی بی و آزاد کشمیر ءِ 100، 100 تھرمل گن تننگا۔ ہر مسٹ آ اکائی تے وافر کچ اٹ رکھی عینک، پلاسٹک بوٹ ودستانہ ہم تننگا۔