اسلام آباد۔ 26 جون (اے پی پی) اسلام آباد نا سرکاری ہسپتال آتے ٹی 189 ودکی آکسیجن نا آسراتی انگا کٹ آتا ودکی ءِ کننگانے، تدوک آ بیست ءُ چار گھنٹہ ٹی مچ آ ملک اٹی 2 ہزار 775 بندغ آتا کورونا وائرس ٹیسٹ مثبت بس، 59 بندغ داناجوڑی آن تینا زند آن دوتے سلار۔ نیشنل کمانڈ اینڈ آپریشن سینٹر(این سی او سی) نا رداٹ تدوک آ بیست ءُ چار گھنٹہ ٹی مچ آ ملک اٹی 21 ہزار 41 ٹیسٹ کننگا داوخت اسکان دراخہ جوڑ مروک آ ناجوڑ آتا کچ 84 ہزار 168 ءِ۔ کوویڈ۔ 19 نا ناجوڑ آتے کن جتا کروک آ 1 ہزار 562 وینٹی لیٹر آتیان 491 وینٹی لیٹر آتیا ناجوڑ داخل ءُ۔ داوخت آ مچ آ لک اٹی کوویڈ۔ 19 ناایکٹو کیس آتا کچ 1 لکھ 7 ہزار 615، زہمی بندغ آتا جم کچ 1 لکھ 95 ہزار 745ءِ ہرافتیان آزاد کشمیر اٹی 962، بلوچستان اٹی 9 ہزار 946، گلگت بلتستان اٹی 1 ہزار 398، اسلام آباد اٹی 11 ہزار 981، خیبر پختونخوا ٹی 24 ہزار 303، پنجاب اٹی 71 ہزار 987 و سندھ اٹی 75 ہزار 168 ناجوڑ ءُ۔ داوخت آ کوویڈ۔ 19 آن مچ آ ملک اٹی مروک آ مرک آتا کچ 3 ہزار 962ءِ ہرافتیان سندھ اٹی 1 ہزار 178، پنجاب اٹی 1 ہزار 629، خیبر پختونخواٹی 879، اسلام آباد اٹی 119، بلوچستان اٹی 109، گلگت بلتستان اٹی 23، آزاد کشمیر اٹی 25 مرک مس۔ داوخت اسکان کوروناوائرس نا 11 لکھ 93 ہزار17 ٹیسٹ کننگانے۔ مچ آ ملک اٹی کورونا نا درمان کن 768 ہسپتال آتے ٹی 4 ہزار 978 ناجوڑ درمان مننگ ءُ۔
