اسلام آباد۔ 26 جون (اے پی پی) حکومت صوبہ خیبر پختونخوا، صوبہ بلوچستان، گلگت بلتستان و اسلام آباد اٹی احساس ایمرجنسی کیش گرانٹ نا رداٹ داوخت اسکان 35 ارب 15 کروڑ روپئی بشخنگانے۔ مچ آ ملک اٹی کوویڈ۔ 19 نا حالیت آتا رداٹ حقدار بندغ آتے ٹی احساس ایمرجنسی کیش گرانٹ نا رداٹ مالی امداد 12 ہزار روپئی فی خاہوت ءِ زرتس نا چرجوئی برجاءِ۔ صوبہ خیبر پختونخوا ٹی 25 ارب 31 کروڑ روپئی، اسلام آباد کیپیٹل ٹیریٹری ٹی 73 کروڑ، بلوچستان اٹی 7 ارب 8 کروڑ و گلگت بلتستان اٹی داوخت اسکان 1 ارب 3 کروڑ روپئی بشخنگانے۔ وزارت تخفیف و نیزگاری نا جاری حساب وکتاب نا رداٹ حکومت نا احساس ایمرجنسی کیش پروگرام نا رداٹ کوویڈ۔ 19 آن زہمی مروک آ حقدار خاہوت آتے ٹی 12 ہزار روپئی فی خاہوت نا امداد نا چرجوئی ہر چار آ صوبہ کشمیر، گلگت بلتستان و دارالحکومت اسلام آباد اٹی مالی نغد امداد نا فراوانی نا چرجوئی برجاءِ۔ داوخت اسکان صوبہ خیبر پختونخوا ٹی 20 لکھ 85 ہزار آن زیات خاہوت آتے ٹی 25 ارب 31 کروڑ آن زیات نا زر، صوبہ بلوچستان اٹی 25 لکھ 8 ہزار آن زیات خاہوت آتے ٹی داوخت اسکان 7 ارب 8 کروڑ روپئی آن زیات صوبہ گلگت بلتستان اٹی 84 ہزار 338 آن زیات خاہوت آتے ٹی 1 ارب 3 کروڑ و دارالحکومت اسلام آباد اٹی 60 ہزار 912 آن زیات خاہوت آتے ٹی داوخت اسکان 73 کروڑ آن زیات نا زر بشخنگانے۔ وخت اس کہ جم وڑاٹ صوبہ خبر پختونخواہ، بلوچستان، گلگت بلتستان و اسلام آباد اٹی حقدار خاہوت آتے ٹی داوخت اسکان جم وڑاٹ 35 ارب 15 کروڑ روپئی نا بھلو زر اس بشخنگانے۔
