اسلام آباد۔ 26 جون (اے پی پی) وزیراعظم نا خصوصی کمکار حوالکاری وشینکاری و چیئرمین سی پیک اتھارٹی لیفٹیننٹ جنرل ر عاصم سلیم باجوہ پارینے کہ پاک چین اقتصادی راہداری نا رداٹ آزاد جموں و کشمیر اٹی 1124 میگاواٹ نا کوہالہ پن بجلی سہ کڑدہ ئی ڈٹ آ سرسہبی اتون دستخط مسنے۔ تینا ٹویٹ اٹی او پارے کہ دا بھاز جوان ءُ وخت اسے ہرا وزیراعظم نا تعمیراتی بشخ و اوڑتون تعلقدار صنعت نا بحالی کن کمکار مریک۔ اوپارے کہ دا ڈٹ آن 5 ہزار مخلوق ءِ روزگار نا وارخواہی فراوان کننگک۔ اوپارے کہ 2 ارب 40 کروڑ ڈالر نا دا زرکاری پاکستان و آزاد کشمیر اٹی آئی پی پی تا ہر ڈٹ اٹی غٹ آن بھلا زرکاری ءِ۔ دا ڈٹ آن پاکستان و آزاد کشمیر اٹی صارف آتے سالانہ 5 ارب یونٹ ماحول دوست و اڑزآن بجلی ملک۔
