اسلام آباد۔ 26 جون (اے پی پی) پاکستان اٹی کوویڈ۔ 19 نا تالانی نا سوب آن تعمیراتی ڈٹ آتا گیشتری تعطل نا گواچی ءِ ولے سی پیک نا ڈٹ سکی کناری پن بجلی گھر انا تفنگ نا کاریم دے و نن برجاءِ۔ ڈٹ انا جوان وڑاٹ پوروی کن چینی معمار پبی خواری کننگ ءِ۔ سکی کناری پن بجلی گھر ڈٹ دین انا توننگ و کنٹرول کن، سخت گام گیج اختیار کرے۔ سکی کناری پن بجلی گھر انا تفنگ ءِ 2022 نا ایسری اسکان سرکروئی ءِ۔ پروجیکٹ منیجر جوزے ہاو پارینے کہ ڈٹ و عملہ نا وخت آ اول سرآن ترتیب نا سوب آن 700 آن زیات چینی ملازم ساڑی آ نازرک وخت اٹی مشکل آتا مون ءِ تورینو۔ و دا ڈٹ انا مد زیات زہمی مفک۔ داپن بجلی گھر انا پوروی پاکستان نا صنعتی شونداری و زرگزرانی بحالی ءِ مون آ دننگ اٹ اہم ءُ کڑد اس ادا کیک۔
