کورونانا نا دین اتون مون تننگ نا کوشست آتا رداٹ 5 کھرب، 43 ارب، 64 کروڑ 80 لکھ روپئی نا وام تے اسہ سال اکن پد بِٹنگا، اسٹیٹ بینک

اسلام آباد۔ 26 جون (اے پی پی) کوروناوائرس نا دین اتون مون تننگ نا کوشست آتا رداٹ اسٹیٹ بینک انا وامک موخر و ری شیڈول کننگ نا اسکیم نا رداٹ داوخت اسکان 5 کھرب، 43 ارب، 64 کروڑ 80 لکھ روپئی مالیت نا وام تے اسہ سال اکن پدبِٹنگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ اصل زرانا زرتس ءِ اسہ سال اکن پدبِٹنگ نا اسکیم نا رداٹ 19 جون اسکان اسٹیٹ بینک ءِ 10 لکھ، 60 ہزار 268 درخواست رسینگانے ہرافتا زمہ واجب الادا وام تا کچ 21 کھرب، 34 ارب،8 کروڑ، 34 لکھ روپئی ءِ، دافتیان 9 لکھ 75 ہزار، 50 ہزار درخواست آتا منظوری ءِ تننگانے و 5 کھرب، 43 ارب، 64 کروڑ 80 لکھ روپئی مالیت نا وام تے اسہ سال اکن پد بِٹنگانے۔ ہنداوڑدااسکیم نا رداٹ 75 ارب 38 کروڑ روپئی مالیت آن زیات نا وام تا ری سٹرکچرنگ /ری شیڈولنگ نا منظوری ءِ تننگانے۔ دا اسکیم نا رداٹ صارف وام تا اصل زر ءِ اسہ سال اکن موخر کننگ نا مشروط موکل تننگانے۔ دا آسراتی ہموصارف آتیکن ءِ ہرافتا زرتس 31 دسمبر اسکان باقاعدہ مرے، وام زرتس موخر کننگ آ بینک ہچ ءُ فیس یا سود اس چارج کپک۔ بینک داٹی بیرہ سود یا کٹیا نا وصولی ءِ کننگ کیک، ہراصارف سود یا کٹیا ناپیسہ غاتے ادا کننگ کپس اوری سٹرکچر نا درخواست کننگ کیرہ۔ وام تے موخر یا ری شیڈول کننگ آن کریڈٹ ہسٹری زہمی مفک۔