اسلام آباد۔ 26 جون (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار ملک انا گیشتر علاقہ غاتے ٹی موسم باسن، پِرکپننگ، گلگت بلتستان و کشمیر نا کیبی آ مشی آ علاقہ غاتے ٹی آندھی و ہورہ و گروک تون پِر انا گمان ءِ۔ تدوک آ 24 گھنٹہ ٹی بڑزکو، نیامی پنجاب و گلگت بلتستان اٹی ہورہ و گروک تون پِر مس۔ غٹ آن زیات پِر پنجاب، ساہیوال 24، جھنگ 22، اوکاڑہ 17، نور پورتھل 8، قصور 5، ٹوبہ ٹیک سنگھ 4 ، لاہور ایئر پورٹ 2 و سٹی ٹی اسہ ملی میٹر پِر ریکارڈ کننگا وخت اس کہ ملک انا ایلو علاقہ غاتے ٹی موسم باسن و پِرکتو۔ زیات آن زیات درجہ حرارت، سبی، دادو، موہنجوداڑو 46، جیکب آباد و روہڑی ٹی 45 ڈگری سینٹی گریڈ ریکارڈ کننگا۔
