اسلام آباد۔ 25 جون (اے پی پی) وزیراعظم عمران خان کوروناغان بچنگ کن ایس او پی تیا عملدرآمد آ زور شاغسا پارینے کہ اگہ اسہ تُواس راجی فاصلہ و ایس او پی تیا عمل کننگے تو دا دین انا بڑزکو انگا کہول آن پیش تمنہ، اگہ الس ایس او پی تیا عمل کتو تو ہسپتال تیا بھاریم ودک۔ ٹائیگر فورس انا منشا کار آک مشکل وخت اٹی حکومت تون سلوک ءُ و الس نا خذمت ءِ کننگ ءُ۔ داخیال آتا درشانی ءِ او پنچ شنبے نادے آ ٹائیگر فورس انا منشاکار آتیان تران کرسا کرے۔ وزیراعظم عمران خان پارے کہ لس بندغ پہہ مفننگ ءِ کہ ایس او پی تیا عمل کننگ اخہ در المی ءِ ۔ اگہ الس ایس او پی تیا عمل کتو تو ہسپتال آتیا بھاریم ودک۔ اوپارےکہ ہر ملک اٹی منشاکار آک ایس او پی تیا عملدرآمد کرفیر۔ اللہ تعالیٰ پاکستان ءِ بچفینے و پاکستان اٹی ایلو ملک آتا مقابلہ ٹی کم نسخان مس۔ اوپارے کہ ورناک ملک انا میرات ءُ۔ ٹائیگر فورس انا منشاکار آک مشکل وخت اٹی حکومت تون سلوک ءُ و الس نا خذمت ءِ کننگ ءُ ہراڑآ ٹائیگر فورس انا منشاکار آتا منت واراُٹ۔ وزیراعظم پارے کہ مخلوق ءِ دا پہہ کروئی ءِ کہ ایس او پی تیا عملدرآمد اخہ در المی ءِ۔ اگہ الس اسہ تُو اس احتیاط کرے تو دین انا بڑزکو انگا کہول آن پیش تمنہ۔ اوپارے کہ بروک آ برسات نا موسم اٹی ننے شجر کاری مہم اٹی پبی بشخ ہلوئی ءِ۔ داوخت آ وزیراعظم نا خصوصی کمکار امور نوجوانان عثمان ڈار ہم ساڑی ئسک۔
