اسلام آباد۔ 25 جون (اے پی پی) وزیر مملکت پارلیمانی امور علی محمد خان پارینے کہ انسان اسے بے عزت کننگ نا موکل ہچ کس ءِ اف۔ پنچ شنبے نادے آ قومی اسمبلی ءِ پارے کہ پشاور اٹ پولیس بیدادی نا تدوک آ دے وزیراعلیٰ نوٹس ءِ ہلکوسس۔ دا معاملہ ءِ بھلو حداسسکان ایسر کننگانے۔ داوڑ کننگ نا ہچ کس ءِموکل تفننگک۔ باسک اسمبلی عباداللہ ہم شانگلہ ٹی اسہ واقعہ اسے نا پیدواری ءِ کریسس اوڑآہم کارروائی مریک۔ کے پی کے پولیس اٹی بھلو حداسسکان اصلاحات کننگانے۔ داسہ ہم مون ءُ میڷ ارے۔ داسکان سد درسد ریفارم متنے۔ ڈپٹی اسپیکر قاسم خان سوری پارے کہ پشاور پولیس بیدادی تون اوار کوئٹہ ٹی طالب علم آ بیدادی نا مذمتءِ کینہ، اونا زموارآتا برخلاف ہم کارروائی مرے۔

متعلقہ مضامینمصنف کی طرف سے مزید