اسلام آباد۔ 25 جون (اے پی پی) قومی اسمبلی نا 27 آن 14 باسک کوویڈ۔ 19 ءِ شکست تننگ اٹ سرسہب مسر۔ احسن اقبال، شیخ رشید احمد، عامر ڈوگر، مریم اورنگزیب و شہریار آفریدی دراخہ جوڑ مسر۔ داوخت اسکان 27 باسک قومی اسمبلی کوویڈ۔ 19نا گواچی مسر۔ تازہ انگا حساب وکتاب نا رداٹ 14 باسک قومی اسمبلی دراخہ جوڑ مسر، داوخت اسکان 14 اسمبلی نا باسک پارلیمنٹ ءِ تینا دراخہ جوڑ مننگ آن معلومدار کرینو۔ شیخ رشید احمد، احسن اقبال، شاہدہ اختر علی، اسامہ قادری، عامر ڈوگر، ظہور حسین قریشی، وجیہہ اکرم، جے پرکاش، ساجد طوری دراخہ جوڑ مسر۔ طاہرہ اورنگزیب، مریم اورنگزیب، نزہت پٹھان، شہریارآفریدی، ڈاکٹر رمیش کمکار ئسک ہم دراخہ جوڑ مسر۔ ہرا داسکان کورونا تون جنگ تننگ ءُ اوفتے ٹی شہباز شریف، شاہد خاقان عباسی، فرخ حبیب، ایاز صادق، رائے مرتضیٰ ، علی راحت امان اللہ اوار ءُ۔ حاجی امتیاز احمد، امین الحق، جاوید حسین شاہ، عثمان ترکئی ، مولانا انور، ملک نیاز جھکڑو عالمگیر خان داسہ ہم کوویڈ۔ 19 اتون جنگ تننگ ءُ۔ کوویڈ۔ 19 آن زہمی مروک آ چندی باسک آک داسکان پارلیمنٹ ءِ دراخہ جوڑ مننگ آن معلومدار کتنو۔ بھاز انگا باسک آک تینا تینا علاقہ غاتے ٹی ٹیسٹ کرفیر ولے قومی اسمبلی ءِ معلومدار کتنو۔
