اسلام آباد۔ 23 جون (اے پی پی) قومی احتساب بیورو(نیب) انا ایگزیکٹو بورڈ انا دیوان چیئرمین نیب جسٹس (ر) جاوید اقبال نا کماشی ٹی نیٹ ہیڈکوارٹرز اسلام آباد اٹی اڈ ہلک ۔ دیوان اٹی ڈپٹی چیئرمین نیب، پراسیکیوٹر جنرل اکاؤنٹیبلٹی نیب، ڈی جی آپریشن نیب و ایلو سینئر آفیسر آک ساڑی ئسر۔ نیب انا دا دیرینہ پالیسی ءِ کہ قومی احتساب بیورو نا ایگزیکٹو بورڈ انا دیوان نا بارواٹی سرجم آتے الس ءِ فراوان کننگے ہرا وڑوڈول تدوک آکیہی سال آتیان ءِ ہرانا مسخت کس اسے نا است آزاری اف۔ غٹ انکوائری و انویسٹی گیشن آتے مبینہ دوبہ غاتا بنداو آ بناکننگانے ہراکہ حتمی اف۔ نیب کانود نا رداٹ غٹ تعلقدار بندغ آتیان ہم اوفتا موقف ءِ معلوم کننگ آن پد پین کارروائی کننگ یا کپننگ نا فیصلہ کیک۔ قومی احتساب بیورو نا ایگزیکٹو بورڈ انا دیون اٹی 3 انویسٹی گیشن تا منظوری ءِ تننگا۔ ہرافتے ٹی خضرحیات(مسکوہی سیشن جج) و ایلو، احمد خان بلوچ مسکوہی باسک صوبائی اسمبلی پنجاب و ایلو و شیر علی گورچانی، مسکوہی ڈپٹی اسپیکر پنجاب اسمبلی و ایلوفتا برخلاف انویسٹی گیشن اوار ءِ۔ قومی احتساب بیورو نا ایگزیکٹو بورڈ انا دیوان اٹی 5 انکوائری تا منظوری ءِ تننگا ہرافتے ٹی محمد نعیم انور مسکوہی باسک صوبائی اسمبلی پنجاب، محمد سلیم خالد محمود و ایلو، میسرز فاطمہ پڑک آف کمپنیز نا ڈائریکٹرز/سی ای اوز، ملحقہ ادارہ و ایلو، طاہر بشارت چیمہ، مسکوہی منیجنگ ڈائریکٹر پیپکو و ایلو، فیڈرل لینڈ کمیشن ریونیو ڈیپارٹمنٹ ہارون آباد، بھاولنگر نا آفیسر/کارندہ و ایلو، ڈاکٹر فضل کریم مسکوہی ای ڈی او ہیلتھ خانیوال و ایلوفتا برخلاف انکوائری اوار ءِ۔ قومی احتساب بیورو نا ایگزیکٹو بورڈ انا دیوان اٹی باسک قومی اسمبلی احسن الحق باجوہ، پبلک ہیلتھ انجینئرنگ نا آفیسر/کارندہ غاتا برخلاف انکوائری پبلک ہیلتھ انجینئرنگ پنجاب ہائی ویز ڈیپارٹمنٹ ءِ داشڑت اتون ریفر کننگ نا منظوری تس کہ تعلقدار ڈیپارٹمنٹ انکوائری نا ایسر نا بابت نیب ءِ ہم معلومدار کیک۔ قومی احتساب بیورو نا ایگزیکٹو بورڈ انا دیوان اٹی محمد یٰسین مسکوہی تحصیل ناظم ہارون آباد و ایلوفتا برخلاف انکوائری ڈپٹی کمشنر تحصیل ہارون آباد ءِ دا شڑت اتون ریفر کننگ نا منظوری تس کہ تعلقدار ڈیپارٹمنٹ انکوائری نا منطقی انجام نا بابت نیب ءِ معلومدار کیک۔ قومی احتساب بیورو نا ایگزیکٹو بورڈ انا دیوان اٹی محمد یاسین مسکوہی تحصیل ناظم ہارون آباد، غزالہ شاہین مسکوہی باسک پنجاب اسمبلی، غلام مرتضیٰ، مسکوہی باسک صوبائی اسمبلی، اعظم سہیل ولد فتح محمد و ایلوفتا برخلاف انکوائری ٹی نیب، ایس ای سی پی، ایف بی آر، ایف آئی اے و اسٹیٹ بینک آف پاکستان آ تالان جوائنٹ انوسٹی گیشن ٹیم (JIT)اس ٹہیفنگ نا منظوری ءِ تس۔ جوائنٹ انویسٹی گیشن ٹیم (JIT) 90 دے اٹی تینا رپورٹ ءِ پورو کیک اوکان گڈسر دُوارہ ایگزیکٹو بورڈ انا دیوان اٹ جاچ ءِ ہلنگک۔ قومی احتساب بیورو نا ایگزیکٹو بورڈ انا دیوان اٹی سردار عمر خان گوپنگ، چیئرمین ڈسٹرکٹ کونسل مظفرگڑھ، عامر سلیم بھٹی، مسکوہی چیف آفیسر ڈسٹرکٹ کونسل مظفرگڑھ و ایلوفتا برخلاف انکوائری انٹی کرپشن اسٹبلشمنٹ پنجاب ءِ داشڑت اتون ریفر کننگ نا منظوری ءِ تس کہ تعلقدار ڈیپارٹمنٹ انکوائری نا منطقی انجام نا بابت نیب ءِ ہم معلومدار کیک۔
