مچ آ دنیا ٹی ہلوک آ کوروناوائرس آن زوال کروک آتا کچ 4 لکھ 74 ہزار آن گدرینگا

واشنگٹن۔ 23 جون (اے پی پی) مچ آ دنیا ٹی ہلوک آ کوروناوائرس آن زوال کروک آتا کچ 4 لکھ 74 ہزار آن گدرینگانے وخت اس کہ چندی ملک آتے ٹی داوخت اسکان کوروناغان 91 لکھ 92 ہزار آن زیات بندغ زہمی مسنو۔ سے شنبے نادے آ امریکی میڈیا نا رداٹ دنیا ٹی غٹ آن زیات 23 لکھ زہمی تتون امریکہ سرفہرست ءِ ، امریکہ غان پد برازیل زہمی ملک آتا فہرست اٹ ارٹ میکو وخت اس کہ روس مسٹ میکو نمبر آٹے۔ ہراڑے بالترتیب 11 لکھ و پنچ لکھ 92 آن زیات پک زہمی ساڑی ءِ۔ دنیا نا غٹ آن زیات زہمی ملک امریکہ ٹی جم زہمی تا کچ 23 لکھ 88 ہزار آن زیات ءِ، ملک اٹی داوخت اسکان اسہ لکھ 26 ہزار آن زیات زوال مسنے۔ برازیل زہممی و زوال کروک آتا کچ انا اعتبار اٹ ارٹ میکو بھلا ملک ءِ۔ برازیل اٹی زہمی تا کچ 11 لکھ 11 ہزار آن زیات ءِ۔ کمامدارآتارداٹ برازیل اٹی کوروناوائرس آن داوخت اسکان 51407 بندغ زوال کرینو۔ تازہ انگا حساب وکتاب نا رداٹ دنیا نا چندی ملک آتے ٹی داوخت اسکان کوروناغان 9،192،549 بندغ زہمی و 474،444 زوال کرینو وخت اس کہ فعال ناجوڑ آتا کچ 3،778،756ءِ۔ امریکہ ٹی زہمی بندغ آتا کچ 2388153اسکان سرمسنے وخت اس کہ ملک اٹی داوخت اسکان 122610 بندغ زوال کرینو۔ امریکہ ٹی کورونانا فعال ناجوڑ آتا کچ 1262614ءِ۔ برازیل اٹی کوروناوائرس زہمی تا کچ 11 لکھ آن گدرینگانے۔ برازیل اٹی تدوک آ 24 گھنٹہ ٹی کوروناوائرس نا پین 21432 پوسکن ءُ کیس درج مسنے، ملک اٹی داسہ زہمی بندغ آتا جم کچ 1111348مسنے۔ برازیل نا وزارت جان جوڑی نا رداٹ ملک اٹی کوروناوائرس آن پین 654 بندغ زوال کرینو ہراڑآن مرک آتا جم کچ 51407 مسنے۔ کمامدارآتارداٹ برازیل اٹی ہلوک آ وائرس نا فعال زہمی تا کچ 465837ءِ ۔ داہیت قابل ذکر ءِ کہ مچ آ دنیا ٹی کوروناوائرس نا زہمی تا کچ انا اعتبار اٹ امریکہ غان پد برازیل ارٹ میکو نمبر آٹے۔ داڑے مصر اٹی ہلوک آ کوروناوائرس آن زوال کروک آتا کچ 2278مسنے وخت اس کہ مچ آ ملک انا چندی علاقہ غاتے ٹی ناجوڑ آتا کچ اٹی ودکی مننگ ءِ۔ مصر اٹی کورونانا 1576 پوسکن آ ناجوڑ آتیان پد دا ہلوک آ دین آن زہمی بندغ آتا کچ ودسا 56809 مسنے۔ کمامدارآتارداٹ مصر اٹی کوروناوائرس نا فعال ناجوڑ آتا کچ 39398 ءِ۔ یات سلے کہ بھارت اٹی زہمی تا جم کچ 4 لکھ 40 ہزار آن زیات وخت اس کہ ملک اٹی 14 ہزار آن زیات زوال مسنے۔