اسلام آباد۔ 23 جون (اے پی پی) سعودی عرب اٹی پاکستان نا سفیر، سفارتی عملہ و پاکستان حج ڈائریکٹریٹ داسال حج اٹی پاکستان نا نمائندگی ءِ کیرہ، وزارت مذہبی امور نا ترجمان نا رداٹ سعودی وزارت حج و عمرہ اینخو نا سال حج انا اداکننگ نا بابت سعودی حکومت نا فیصلہ غان وزیر مذہبی امور ءِ باضابطہ وڑاٹ معلومدار کرینے۔ سعودی وزیر حج و عمرہ بنجائی وزیر مذہبی امور پیر نور الحق قادری تون ٹیل فون آ رابطہ کرے۔ ترجمان نا رداٹ سعودی وزیر حج ڈاکٹر صالح بن بنتن حج انا بابت فیصلہ غان باضابطہ وڑاٹ معلومدار کرے ہرانارداٹ داسال بیرہ سعودی شاری و اقامہ ہولڈر حج کیرہ۔ کوروناوائرس نا دین انا خطرہ غاتیان بچنگ کن سعودی حکومت درملکی حاجی تا مہمانداری آن بشخنداری کرے۔ وزارت مذہبی امور پوسکن آ حالیت آتارداٹ ہلہلہ ئی دیوان اس بٹنگانے ہراٹی عازمین حج انا پیسہ غاتا پدی تننگ نا بابت وڑوڈول اس جوڑ کننگک۔ ترجمان مذہبی امور نا رداٹ سعودی عرب اٹی رہینگوک آ پاکستانی سفیر، سفارتی عملہ و پاکستان حج ڈائریکٹریٹ داسال حج اٹی پاکستان نا نمائندگی ءِ کیرہ۔
