اسلام آباد۔ 23 جون (اے پی پی) وزیر خارجہ شاہ محمود قریشی تون چندی ملک آتے کن پوسکن آ پندار سفیر آک سے شنبے نادے آ وزارت خارجہ ٹی اوڑدہی کریر۔ اوڑدہی کروک آ سفیر آتے ٹی منصور احمد خان (پندار سفیر اوغانستان)، معین الحق(چین)، معظم علی خان(یو کے) احمد حسین دیو(برازیل)، ظہور احمد(سویڈن)، آفتاب احمد کھوکھر(آسٹریلیا)، سجاد حیدر خان(بیلارس)، سید حیدر شاہ(نیپال)، محمد حسن(انڈونیشیا)، امتیاز احمد قاضی(فلپائن)، مراد اشرف جنجوعہ(نیوزی لینڈ)، مظہر جاوید(سویلی افریقہ)، ساجد بلال(مصر)، شوذب عباس(ایتھوپیا)، محمد سلیم(تنزانیہ)، احمد علی سروہے(نائجر)، امیر محمد خان(روانڈا)، سجاد احمد سیہڑ(کرغزستان)، بلال(آذربائیجان) و امجد عزیز قاضی(قونصل جنرل چندو) اوار ئسر۔ وزیر خارجہ بطور سفیر پنداری آ اوفتے مبارکباد تس وپارے کہ نم ہندن ءُ وخت اسے ٹی بطور سفیر تعینات مننگ اورے ہراتم پاکستان ءِ داخلی و خارجی وڑاٹ بھاز انگا چیلنج آک مون تروک ءُ۔ شاہ محمود قریشی پارے کہ پاکستانی کمیونٹی نا حق انا رکھ و اوفتا ویل آتا اولیتی بنداو تیا ایسری ننا اولیت آتے ٹی اوار ءِ۔ وزیر خارجہ پوسکن آ پندار سفیر آتے کسبی باندات و فارن پالیسی اولیت آتا بابت پارت تس۔

متعلقہ مضامینمصنف کی طرف سے مزید