مزن وزیر عمران خان ءَ احساس راشن پورٹل ، احساس لنگر ، پناہ گاہ ایپس ءُ مزن وزیر کارونا ریلیف فنڈ ویب سائٹ ءِ اححساس گامگیج آنی بندات کت

حکومت کورونا وائرس ءِ آماچیں بزگریں مردم آنی کمک ءُ سپورٹ ءِ واستہ داتگیں ھمک یک کلدار کمک دیگ ءِ کار ءَ را ساپ ءُ سلہ ئی ءَ را دل یکیمی جوڑ کنگ ءِ واستہ جزمیگ انت، استیں ایپس ءُ ویب سائٹس آنی لانچ کنگ ءَ چہ ساپ ءُ سلہ ئی ءِ ھوالگ ءَ ڈونرز آناں دل یکیمی پجارینگ ءَ انتت، مزن وزیر عمران خان ءِ مراگش ءَ گوں گشتانک
اسلام آباد ۔ 22 جون (اے پی پی) مزن وزیر عمران خان ءَ احساس راشن پورٹل ، احساس لنگر ، پناہ گاہ ایپس ءُ مزن وزیر کورونا ریلیف فنڈ ویب سائٹ ءَ ھوار اینگر (ویب سائٹس ءُ ایپس ) آنی احساس گامگیج آنی بنگیج کتگ، اے گامگیج آنی مول ءُ مراد کوویڈ-19 ءِ ھوالگ ریلیف ءِ گامگیج آنای رچ ءَ حکومت ءُ سول سوسائٹی ءِ گہتریں شریکدار ءُ کمک ءَ را دل یکیمی جوڑ کنگ انت، اے گامگیج آنی بندات ءَ چہ بنیادی مول ءُ مراد ڈونرز، گہبودی ادارگ ءُ سیر لاپیں مردم آنی آسراتی پجاری ءِ گوما وت مستر جوڑ کنگ انت تانکہ کوویڈ-19 ءِ جاور ھال آنی تہ ءَ آ حکومت ءِ گوما گیش گہتر شریکدارآنی چیر دستی ءَ گامگیج کت کناں۔ دو شمبے ءَ ادا اے ھوالگ ءَ برجم داشتگییں دیوان ءَ گوں گشتانک دیان ءَ مزن وزیر عمران خان ءَ گوشت کہ حکومت کوویڈ-19 ءِ آماچیں مردم آنی کمک ءُ سپورٹ ءِ واستہ داد کتگیں یک کلدارے ءَ را ساپ ءُ سلہ ئی ءَ دل یکیمی جوڑ کنگ ءِ واستہ اے جزمیگ انت۔ آئی ءَ گوشت کہ حکومتت اے سیادی داروکیں ایپس ءُ ویب سائٹس آناں لانج کنان ءَ ساپ ءُ سلہ ئی ءِ ھوالگ ءَ ڈونرز آناں دل یکیمی پجاری کنگ ءَ انت۔ آ ئی ءَ گوشت کہ احساس پروگرام ءَ ھم ساپ ءُ سلہ ءَ را دل یکیمی کنگ بوتگ۔ مزن وزیر عمران خان ءَ ڈاکٹر ثانیہ نشتر ءُ آئی ءَ ٹیمب ءِ احساس کیش پروگرام ءَ را کامیات جوڑ کنگ ءِ ھوالگ ءَ کوشست آناں ھم ساڑات ءُ گوشت کہ پروگرام ءِ چیر دستی ءَ ساپ ءُ سلہ ئی ءُ جوانیں شنگ ءُ تالانی ءَ را دل یکیمی جوڑ کنگ ابت۔ مزن وزیر عمران خان ءَ سمارٹ لاک ڈائون ءِ سر ءَ زور دیان ءَ گوشت کہ گیش آماچیں مردم ، بزرگ شہری ءُ ھوپ ءَ چہ آماچیں مردم آنی زندمان ءَ را رکھینگ ءِ واستہ ھمے رنگیں گامگیج ءَ چہ جیڈھ پیداک بوت کنگ پدا ھم یات دارگ بہ بیت کہ ٹائیگر فورس ءِ والنٹری کار کنوکیں مردم اے رنگیں جاور ھال آںی تہ ءَ کمکار سہرا بنت۔