مزن وزیر عمران خان ءِ سروکی ءَ دیوان ، پیسریگیں فاٹا ءِ دمگ آنی دیمروئی منصوبگ آنی سر ءَ چار ءُ تپاسی گرگ بوت

اسلام آباد ۔ 22 جون (اے پی پی) مزن وزیر عمران خان ءِ سروکی ءَ (پیسریگیں فاٹا) ءِ ھوار بوتگیں دمگ آنی دیمروئی ءِ ھوالگ ئَ چار ءُ تپاسی گرگ ءِ واستہ دیوان ءِ برجم دارگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں ھال آنی رد ءَ دیون ءَ بنجاھی وزیر منصوبگ بندی اسد عمر، بنجاھی وزیر اھوالکاری ءُ شنگ کاری سینیٹر شبلی فراز، مشیر برائے ھزانگ ڈاکٹر عبدالحفیظ شیخ ، ھاسیں کمکار ڈاکٹر شہباز گل ءُ کلانہ ایں کارندہ بھر زوری کت۔ دیوان ءَ سر وزیر خیبر پختونخوا محمود خان، وزیر ءِ ھزانگ خیبر پختونخوا تیمور سلیم جھگڑا، پنجاپ ءِ وزیر ءِ ھزانگ ہاشم جواں بخت ءَ ویڈیو لنک ءِ وسیلگ ءَ دیون ءَ پیسریگیں فاٹا ءِ دمگ آنی دیمروئی منصوبگ آنی سر ءَ چار ءُ تپاسی گپت۔ مزن وزیر ءَ اے گپ ءِ سر ءَ زور پر دات کہ فاٹا ءِ الس آئی ءِ دل ءَ گوں سک نزیک انت ءُ فاٹا ءِ زوت دیمروئی کنگ بہ بیت۔ اے رد ءَ 2018 ءَ منوگری ءِ چیر دستی ءَ بنجاھ ءَ کہ ھما بھر منوگر کتگ بوتگ آئی ءَ را حکومت ءَ جاڑی کتگ ایندگر بچیتگیں چیز آنی ھاترا ھزانگ ءِ چیر دستیں کمیٹی ءِ جوڑ کتگ ایش ایندگر صوبگگ آنی گوما کوآرڈینیٹ کنان ءَ اے فنڈ آناں دل یکیمی جوڑ کنت ایشی ءَ چہ فاٹا ءِ دیمروئی منصوبگ آنی بنگیج بوت کنت ءُ فاٹا ءِ الس کہ آواں ناشرکاری ءِ ھلاپ ءَ جنگ ءَ سک باز قربانی داتگ ءُ مدام ایشی ءِ ھاترا قربانی دینت، اے گپانی درشان کت۔ مزن وزیر ءَ پیسریگیں فاٹا ءِ دمگ آنی دیمروئی ءَ وت باز واھگ دارگ ءِ درشان سہرا کت ءُ آئی ءَ گوشت کہ انشاء اللہ آیوکیں مالی سال ءَ درستیں دیمروئی منصوبگ بندات کنگ بنت۔