اسلام آباد۔ 22 جون (اے پی پی) حریت راہشون یاسین ملک نا اُرائی مشعال ملک پارینے کہ بھارت سرچ آپریشن نا پن آ کشمیری ورناتا کشت و خون کننگ ءِ، کشمیری تا اُراتیا بارودی مواد خلسا بھس کننگ انگ ءِ۔ یاسین ملک تون اوار حریت سرکڑدہ غاک مسلسل بند ونظر بند ءُ۔ دوشنبے نادے آ داڑے جاری بیان اٹی مشعال ملک پارے کہ کشمیری الس کورونا دین اٹ دوہرے کرفیو و جور اتون مون تننگ ءُ۔ او آئی سی نا کشمیر آ ہلہلہ ئی دیوان ستاکڑزک۔ اوپارے کہ او آئی سی ءِ بیرہ مذمت و قرارداد آتیان مون آ ہنوئی مریک۔ مشعال ملک پارے کہ خونی مودی سرکار نا دوتے توننگتو تو کشمیر اٹی بھلو کچ اسے آ خونریزی مریک۔
